SHKODËR - Një vrasje e porositur është parandaluar ditën e sotme nga Policia e Shkodrës. Forcat e Posaçme Operacionale të Policisë së Shtetit kanë arrestuar Osman Malja, 21 vjeç si personi i porositur për të vrarë një tjetër person. <br /><br />Policia ka arritur të ndërhyjë në momentet kur 21-vjeçari po tentonte të vriste me armë kallashnikov një person në afërsi të spitalit rajonal të Shkodrës. Në këtë operacion Osman Malja u plagos, por jashtë rrezikut për jetën. <br /><br />Policia e mbante nën vëzhgim të riun prej disa kohësh pasi kishte të dhëna se ai po përgatitej për kryerjen e një akti kriminal. Osman Malja është një ish i dënuar më parë për Prodhim dhe shitje të narkotikëve" si dhe për vjedhje. Policia ka sekuestruar në cilësinë e provës materiale armën tip kallashnikov e autorit, që do kryente krimin si dhe një motor.<br /><br />Aksioni<br /><br />Një përplasje midis një personi të armatosur dhe policisë ka ndodhur mesditën e sotme në qytetin e Shkodrës. Nga përplasja ka mbetur i plagosur 21 vjeçari nga Shkodra Osman Malja.<br /><br />Malaj po tentonte të vriste me armë kallashnikov një shtetas në afërsi të spitalit rajonal të Shkodrës dhe ka qenë ndërhyrja e policisë në momentin e duhur që e ka parandaluar krimin.<br /> <br />Sipas policisë, 21-vjeçari ishte vënë prej shumë kohësh nën vëshgimin e policisë pasi këta të fundit kishin marrë informacion se ai kishte pregatitur një akt kriminal.<br /><br />Në cilësinë e provës materiale u sekuestrua arma tip kallashnikov e autorit, që do kryente krimin si dhe një motorr.<br /><br />Ndërkohë, sipas policisë dyshohet se kemi të bëjmë me një vrasje të porositur (me pagesë) dhe se po hetohen të gjitha pistat<br /><br />Malja është me precedent penal i dënuar më parë për "Prodhim dhe shitje të narkotikëve" si dhe për vjedhje.
