TIRANË - Nis rokada e drejtorëve në bashkinë e Tiranës, me dorëheqjen e pjesës më të madhe të drejtorëve të të gjithë dikastereve në këtë institucion. Edhe pse drejtorët e bashkisë së Tiranës kanë pritur një ditë më parë në ceremoninë e marrjes së detyrës kryebashkiakun e ri Erion Veliaj, pjesa më e madhe e tyre i kanë dorëzuar në zyrë dorëheqjen nga postet që ata mbajtën nën drejtimin e Bashës.<br /> <br />Burime për A1 Report konfirmojnë se kanë paraqitur dorëheqjen pothuaj të gjithë drejtuesit e enteve në bashki, duke nisur nga drejtori i përgjithshëm Shkëlqim Barushi, ai i Artit dhe Kulturës Arben Skënderi. Po ashtu mësohet se ka paraqitur dorëheqjen drejtori i përgjithshëm i Planifikimit dhe Menaxhimit të Shërbimeve Taulant Zeneli, drejtoresha e Transportit Nereida Hoxha, drejtori i përgjithshëm i Projekteve Strategjike dhe Investimeve të Huaja Henrik Hysenbegasi, Florian Pustina, drejtori i Planifikimit dhe Zhvillimit të Territorit, drejtoresha e Burimeve Njerëzore Lindita Dedgjoni, Kujtim Ymeri nga drejtoria e Financës, Pëllumb Seferi drejtori i çerdheve, Alma Marku drejtoresha e Marrëdhënieve me publikun dhe drejtoresha e Informacionit në bashki.<br /> <br />Po ashtu konfirmohet se këta drejtorë pasi kanë paraqitur dorëheqjen vijojnë të jenë në detyrë deri në zëvendësimin e tyre me emrat e rinj të kryebashkiakut Veliaj.<br /> <br />Ndërkaq burime nga stafi i bashkisë së re të Tiranës konfirmojnë se kanë filluar emërimet e para. Zoti Veliaj ka emëruar drejtor të përgjithshëm të Tatimeve Arli Naskën dhe me largimin e Florenc Hoxhës nga Inspektorati Ndërtimor , kryebashkiaku Veliaj ka emëruar në krye të këtij institucioni Skerdi Drenovën.<br /><br />Paraqesin dorëheqjen<br /> <br />Shkëlqim Barushi <br />Drejtor i përgjithshëm<br /><br />Arben Skënderi<br />Drejtoria e artit dhe kulturës<br /><br />Taulant Zeneli<br />Drejtoria e planifikimit të shërbimeve<br /><br />Nereida Hoxha<br />Drejtoresha e transporteve<br /><br />Henrik Hysenbegasi<br />Drejtor i Projekteve Strategjike dhe Investimeve të Huaja<br /><br />Florian Pustina<br />Drejtor i Planifikimit dhe Zhvillimit të Territorit<br /><br />Lindita Dedëgjoni<br />Drejtoria e burimeve njerëzore<br /><br />Kujtim Ymeri<br />Drejtoria e Financës<br /><br />Alma Marku<br />Drejtoria e marrëdhënieve me publikun<br /><br />Pëllumb Seferi<br />Drejtor i Çerdheve <br /> <br />Veliaj emëron<br />Arli Naska ? Drejtor i Përgjithshëm i Tatimeve<br />Skerdi Drenova ? Drejtues i INUV
