TIRANË - Një ditë pas arrestimit të grupit me tre persona të dyshuar si të përfshirë në falsifikimin e dokumenteve dhe kartave të identitetit të vendeve të huaja, ka zbardhur fakte të reja.<br /> <br />Hetuesit thonë se në momentin e arrestimit të Pjerin Brhaimaj, është kapur në momentin kur po prodhonte një pjesë të një pasaporte dhe karte identiteti spanjolle. Pikërisht karta identiteti të vendeve perëndimore apo pjesë e vendeve të BE-së, përdoren nga grupet e trafikut.<br /> <br />Brahimaj njihej dhe me emrin Del Piero, për shkak të adhurimit të tij për ish-yllin e Juventusit dhe të Italisë. Sipas burimeve të policisë, grupi i mësipërm nuk merrej vetë direkt me trafikimin e personave, por se kur iu vinin porosi i realizonin.<br /> <br />Më pas personat me këto dokumente udhëtonin nga aeroporte dytësore në Europë në drejtim të aeroporteve dytësore të ishullit britanikë, si Londër, Birmingam, Mancester, Belfast apo Glasgou.<br /> <br />Po kështu dyshohet se veprohej edhe për personat që donin të udhëtonin në drejtim të SHBA-së. Një kartë identitieti e sipas hetuesve të policisë, shitej për një shumë prej 30 mijë lekë të reja deri në 300 euro.<br /> <br />Pjerin Brahimaj u arrestua të premten nga policia me akuzën e falsifikimit të dokumenteve, bashkë me xhaxhain e tij dhe një person tjetër të dyshuar për falsifikim dokumentesh. Babai Pjerin Brahimatj, mohon që djali i tij të jetë përfshirë në një aktivitet kriminal të falsifikimit të dokumenteve.<br /><br />Veç tre të arrestuarve, prokuroria ka vënë nën akuzë edhe dy persona të tjerë të dyshuar se kanë lidhje me një grup që kontrabandonin njerëz në drejtim të SHBA-së. Ky grup është goditur vitin e kaluar nga Policia e Shtetit, pas një hetimi disa mujor.
