Një 30-vjeçar i ndaluar nga Policia e Shkodrës teksa transportonte lëndë drusore, akuzon uniformat blu se e kanë dhunuar. <br /><br />Sipas të ndaluarit Bahri Malja ngjarja ka ndodhur pas shoqërimit në ambientet e komisariatit. Vëllai i 30-vjeçarit, Dema Malja shpjegon se çfarë ka ndodhur. <br />?Kanë përdorur dhunë derisa e kanë bërë për vdekje. Nga koka, nga trupi, nga këmbët?, shprehet i vëllai.<br /><br />Tensionet mes uniformave blu dhe familjarëve të të dëmtuarit kanë vijuar edhe në urgjencën e spitalit të Shkodrës. Familjarët dhe efektivët kanë debatuar ashpër. <br /><br />Pretendimet e Bahri Malajt janë hedhur poshtë nga bluzat e bardha të Shkodrës. Mjeku i urgjencës Aldo Gjoka, shprehet se pacienti është paraqitur në urgjencë me dhembje të forta koke dhe veshi, por nuk janë konstatuar shenja dhune. <br /><br />?Është paraqit me dhimbje të forta koke dhe veshi. Është bërë dhe një skaner koke, vërehet vetëm një edem e lehtë e veshit të majtë por pa probleme dhe shenja të dukshmë në skaner?., u shpreh Aldo Gjoka, mjek i Urgjencës.<br /><br />Aktualisht 30-vjeçari po mbahet në observacion në shërbimin e kirurgjisë në spitalin Rajonal të Shkodrës. Bahri Malja është ndaluar ditën e premte në Hot i Ri teksa ndodhej në një kamion me lëndë drusore si pasagjer. Ai punonte në ngarkim shkarkim të lëndës drusore.
