Kryeministri, Edi Rama në një postim në Facebook e cilëson ishullin e Sazanit një perlë turistike të Shqipërisë dhe potencial të madh për turizmin detar, aventurës, historisë dhe peshkimit.<br /> <br />Gjithashtu, Rama flet edhe për projektin që do të realizohet me një agjenci franceze për transformimin e ishullit në një pikë tërheqëse për turistët.<br /> <br /> <br />Ishulli i Sazanit nga 25 korriku, është i hapur përgjatë gjithë sezonit turistik për këdo që ka kuriozitet ta vizitojë atë.<br /> <br />Statusi i Ramës:<br /> <br />Shumë vizitorë në ditë kanë filluar të prekin tashmë nga afër Ishullin e Sazanit, një perlë e jona turistike deri më sot e pashfrytëzuar, por me potencial të jashtëzakonshëm për turizmin detar, të aventurës, historisë e peshkimit.<br /> <br />Ndërkohë në bashkëpunim të ngushtë me agjencinë e famshme franceze të konservimit të territorit po hidhen hapat e parë për zbatimin e projektit që do ta transformojë Sazanin në një atraksion turistik të klasit të parë duke vënë theksin tek ruajtja e vlerave natyrore dhe historike të ishullit. - See more at: http://shqiptarja.com/Politike/2732/rama-projekt-p-r-kthimin-e-sazanit-n--atraksion-turistik-t--klasit-t--par--309092.html#sthash.7preEotr.dpuf
