TIRANË - Autoritetet shqiptare kanë vendosur të blindojnë kufirin në dalje për të parandaluar në maksimumin e mundshëm tentativat e personave të ndryshëm për t?u larguar nga Shqipëria për qëllime azil kërkimi.<br /><br />"Sot jemi duke inspektuar masat e policisë në kuadër të parandalimit të lëvizjeve të qytetarëve shqiptarë për azilkërkim. Ne jemi në një bashkëpunim dhe partneritet me policinë gjermane, por dhe me të gjithë autoritetet e tjera të Bashkimit Evropian duke i siguruar qytetarët shqiptarë që lëvizje të tilla i penalizojnë pasi djegia e mundësisë së tyre për lëvizje të lirë dhe liberalizim të vizave i kushtëzon ata dhe i krijon një penalitet që nuk i jep mundësinë e lëvizjesh së mëpasme", - tha Çako <br /><br />Ndërkaq veç oficerëve shqiptarë që do të kontrollojnë kufirin, ata do të bashkëpunojnë edhe me oficerë të Policisë Gjermane që do të monitorojnë kalimin kufitar të qytetarëve<br /><br />"Do të ketë shkëmbim informacioni mes oficereve te policisë shqiptare dhe atyre gjermane. Kjo do të shërbejë si një shkëmbim eksperiencash, ku ne do tju tregojmë se si punohet në gjermani", - tha oficeri gjerman.<br /><br />Drejtori i Përgjithshëm i Policisë Haki Çako, inspektoi nga afër procesin e kalimit kufitar të qytetarëve.<br /><br />Masat kanë të bëjnë me intervistimin dhe riintervistimin e personave të dyshuar, apo me verifikime të ndryshme që mund të bëhen nga policia kufitare në aeroport, apo pika të tjera të kalimit kufitar. <br /><br />Sipas statistikave zyrtare të Ministrisë së Brendshme gjermane, azilkërkuesit shqiptarë zënë vendin e dytë me 17.8 për qind pas sirianëve me 22.3 %. Pas shqiptarëve renditen afganët, irakenët dhe kosovarët.
