Aksidenti në rrugën e Elbasanit, kur një kamion i tonazhit të rëndë përplasi për vdekje një grua të moshuar, sjell sërish në pah një problem serioz, atë të mosrespektimit të vijave të bardha.<br /> <br />Si këmbësorët por edhe drejtuesit e automjeteve, tregohen të shkujdesur në momentet e kalimit nga njëri krah i rrugës në tjetrin.<br /> <br />Ky fakt evidentohet edhe nga një vëzhgim i shkurtër i kryer nga televizioni A1 Report në disa nga akset kryesore në qendër të Tiranës.<br /> <br />Shumë prej këmbësorëve, nuk preferojnë të kalojnë kryqëzimet pranë vijave të bardha, por vendosi të futen në rrugë mes për mes saj, duke rrezikuar në shumë raste edhe jetën e tyre. <br /><br />Ndërkaq edhe drejtuesit e mjeteve, duket se nuk iu japin përparësi kalimtarëve në shumë raste, edhe pse këta të fundit janë pranë vijave të bardha.
