TIRANË- Prokuroria e Tiranës dhe Policia e Shtetit kanë kërkuar nga Inspektoriati Qendror Teknik, (IQT) kryerjen e një ekspertimi teknik mbi gjendjen fizike të bombolave të gazit të gjetura pas shpërthimit në ëmbëltoren në rrugën ?Don Bosko?. <br /><br />Një akt i tillë është kërkuar nga organet e hetimit me qëllim dokumentimin e plotë të ngjarjes së ndodhur të dielën e 8 gushtit, në të cilën u plagosën 21 persona.<br /><br />Ndërkaq pronari i ëmbëltores, Avdulla Dervishi dhe bashkëshortja e tij Paqësie Dervishi, vijojnë të qëndrojnë në spitalin e djegies plastike në Tiranë. <br /><br />Mjeku, Ilir Nezha tha për A1 Report se gjendja e tyre shëndetësore paraqitet e stabilizuar por ata vijojnë të mbahen nën vëzhgim prej tyre. Të dy bashkëshortët kanë plagë të rënda djegieje të shkallës së dytë B. <br /><br />Bashkë me ta në reanimacion janë edhe dy gra të tjera të djegura në këtë aksident. Tre pacientë të tjerë tashmë janë në mjekim në një nga pavionet e këtij spitali.<br /><br />Ndërkaq veç ëmbëltores në rrugën ?Don Bosko?, Avdulla dhe Paqësie Dervishi, kanë pasur në pronësi edhe një dyqan në rrugën ?Bardhyl?, ku shisnin akullore.<br /><br />Të mërkurën gjykata vendosi të lërë në gjendjen arresti në spitalin, pronarin Abdullah Dervishi.
