POGRADEC - Policia e Korçës ka reaguar zyrtarisht lidhur me pretendimet e një nëne nga fshati Lekas i Pogradecit se fëmija i saj ka qëndruar për orë të tëra në komisariat.<br /> <br />Sipas policisë mbrëmjen e 12 gushtit fëmija 4 vjeç ndodhej në makinën e babait të tij, i cili u arrestua në rrugën Korçë ?Pogradec me lëndë drusore të prera pa leje.<br /> <br />36 vjeçari, Bledi Leka u arrestua në prani të shefit të komisariatit të Pogradecit dhe u shoqërua në ambientet e policisë.<br /> <br />Blutë e Korçës sqarojnë se menjëherë pas arrestimit është njoftuar nëna e fëmijës për ta marrë atë dhe deri në mbërritjen e saj 4-vjeçari nuk ka ndenjur për asnjë moment të vetëm në komisariat.<br /> <br />Policia thotë se i mituri ka qëndruar me babain e tij brenda në makinë, jashtë ambienteve të komisariatit nën mbikëqyrjen e efektivëve. Pretendim ky i konfirmuar edhe nga vetë babai.<br /> <br />Majlinda Leka, e cila i qëndron akuzave ndaj bluve, thotë se fëmija është sëmurur në ambientet e komisariatit.<br /> <br />Ajo pasi e ka marrë nga ambientet e policisë, e ka dërguar fëmijën në spital. Por shefi i Pavionit të Pediatrisë sqaron se fëmija nuk ka probleme shëndetësore, por është prekur nga një virozë e stinës.<br /> <br />Sakaq Gjykata dha masën ?Detyrim Paraqitje? për Bledi Leka, që u kap duke transportuar me makinë drunj të prerë e pa leje.
