TIRANE - A1 Report ka siguruar një hartë të rrugëve që për shkak të numrit të madh të aksidenteve quhen ?rrugët e vdekjes?. Nga Shkodra në Lezhë, nga Tirana në Durrës, nga Lushnja në Fier dhe nga Korça në Gjirokastër rrugëtimi me makinë është gjithnjë një rrezik me pasojë vdekje.<br /> <br />Ministria e Transporteve ka zbardhur 240 ?pikat e zeza? të rrugëve Shqiptare ku kanë ndodhur pjesa dërrmuese e mijëra aksidenteve rrugore në vendin tonë. Pjesa më e madhe e këtyre pikave është përqendruar përreth zonave me dendësi të lartë popullsie si Tirana e Durrësi.<br /><br />Këto 240 ?pika të zeza? janë përgjegjëse për 300 jetë të humbura dhe për 400 persona të gjymtuar. <br /><br />Ministria e Transporteve raporton se numri mesatar i vdekjeve në vit nga 2009 në 2012 është 347, ndërkohë që nga viti 2013 e deri tani ka njëfarë rënie me 2075 aksidente rrugore mesatarisht. Numri i aksidenteve rrugore, konsiderohet shqetësues përkundrejt numrit të vogël të popullsisë.<br /> <br />Sipas të dhënave mbi aksidentet e ndodhura këto 5 vjetët e fundit, rezulton që në vendin tonë, numri mesatar i aksidenteve fatale për 10.000 mjete, është 10 ?12, përkundrejt 5,5 që e kanë vendet e Europës Qendrore e Lindore, pra rreth 2 herë më i lartë.<br /> <br />Në kryeqytet, ku vërehet edhe dendësia më e madhe e pikave të zeza regjistrohen mesatarisht 649 aksidente, 44 prej të cilëve me pasoja fatale për jetën. Bilanc po kaq të rëndë paraqet edhe Elbasani, Shkodra dhe Durrësi.<br /><br />Në analizën për shkaqet e aksidenteve Ministria e Transporteve fajëson vjetërsinë e mjeteve që në shumicën e rasteve i kalojnë 10 vite. Për këtë arsye sipas analizës ndodhin 86,2 % e aksidenteve. Ndërkohë që sipas Ministrisë së Transporteve, agresiviteti i drejtimit të mjetit rrugor është fenomeni më i rrezikshëm prezent në situatën aktuale, gjë që vihet re në të dhënat e aksidenteve për këto vitet e fundit, ku rreth 66,5% e aksidenteve janë pasojë e sjelljes jo korrekte të drejtuesve të mjeteve.
