TIRANE- Ka hyrë në ditën e dytë operacioni antikanabis i Policisë së Shtetit në zonën malore të Dukagjinit në Shkodër. <br /><br />Efektivët e rendit nuk janë larguar as gjatë natës nga zona e Dukagjinit, për tu vënë në lëvizje sërish në luftën kundër kultivimit të lëndëve narkotike.<br /><br />Operacioni i policisë është përqëndruar fillimisht në fshatin Shoshaj, ku janë evidentuar disa parcela me kanabis sativa.<br /><br />Policia bën me dije se gjatë ditës së sotme janë evdientuar 69 parcela me 10 000 bime narkotike Canabis sativa.<br /><br />Forcat e policise të perfshira në operacion kanë kryer lëvizje në zona të pyllëzuara e terren të vështire nga 2 deri në 3 ore më këmbë.Bimët ishin kultivuar në parcela të hapura rishtas ,në zona te pyllezuara dhe me shkurre .<br /><br />Në këtë operacion po marrin pjesë më shumë se 450 efektivë policie me 70 automjete. Në operacionin e djeshëm që zgjati rreth 12 orë u asgjësuan 150 parcela me 18 mijë bimë narkotike kanabis sativa. <br /><br />Operacioni po ndiqet nga afër nga Drejtori i Përgjithshëm i Policisë së Shtetit, Haki Çako dhe zv/drejtori Altin Qato. <br /><br />Ky është operacioni i dytë i madh kundër kultivimit të kanabisit që zhvillohet në zonën e Dukagjinit.<br /><br />Deri më tani policia nuk ka hasur në rezistencën e kultivuesve të bimëve narkotike, sakaq përvec Fnsh-së së Shkodrës në këtë operacion marrin pjesë edhe forca special të ardhura nga Tirana.
