وين انت يا حمدان امـك تناديـك .. وراك مـا تسمـع شكايـا وندايـا<br />يا مسندي قلبي على الدوم يطريـك .. ما غبت عن عيني وطيفك سمايـا<br />هذي ثلاث سنين والعيـن تبكيـك .. ما شفت زولك زايـر يـا ضنايـا<br />تذكر حياتي يـوم اشيلـك واداريك . . والاعبـك دايـم وتمشـي ورايـا<br />ترقد على صوتي وحضني يدفيـك .. ما غيرك احدٍ ساكن فـي حشايـا<br />واليا مرضت اسهر بقربك واداريك .. ما ذوق طعم النوم صبـح ومسايـا<br />ياما عطيتك من حنانـي وبعطيـك .. تكبـر وتكبـر بالأمـل يـا منايـا<br />لكن خساره بعتني اليـوم وشفيـك .. واخلصت للزوجه وانا لي شقايـا<br /><br />انا ادري انها قاسيـه مـا تخليـك .. قالت عجـوزك مـا ابيهـا معايـا<br />خليتني وسط المصحه وانا ارجيك .. هذا جزا المعروف وهـذا جزايـا<br />يـا ليتنـي خدامـة بيـن اياديـك .. من شان اشوفك كل يوم برضايـا<br />مشكور يا ولدي وتشكر مساعيـك .. وادعـي لـك الله دايـم بالهدايـا<br />حمدان يا حمـدان امـك توصيـك .. اخاف من تلحق تشـوف الوصايـا<br />اوصيت دكتور المصحه بيعطيـك .. رسالتـي واحروفهـا مـن بكايـا<br />وان مت لا تبخل علـي بدعاويـك .. واطلب لي الغفران وهـذا رجايـا<br />وامطر تراب القبر بدموع عينيـك .. ما عـاد ينفعـك النـدم والنعاي<br />POESIE<br />Lettre d’une mère adressée a son fils qui l’a placée dans une maison pour personnes âgées
