Banorët e fshatit Dhërmi në Vlorë janë mbledhur në kishën e Shen Thanasit për të penguar punën e INUV të Bashkisë së Himarës për ndërhyrje në këtë objekt.<br /><br />Banorët pohojnë për A1 Report se kanë sinjalizime se INUV i Himarës do nise aksionin për prishjen e një solete në objektin 1 katësh që banorët e përdorin si kishë.<br /><br />Kreu i Bashkisë së Himarës, Jorgo Goro , i kontaktuar nga A1 Report ka refuzur të jape detaje lidhur me aksionin e INUV. Goro ka pohuar së në Dhërmi nuk po ndodh asgje.<br /><br />Ndërkohë, Spiro Zaho, banor i Himarës në një lidhje telefonike për A1 Report ka sqaruar se banorët janë grumbulluar pranë objektit.<br /><br />Zaho ka shtuar se asnjë person përgjegjës nga bashkia e Himarës nuk u ka dhënë shpjegim lidhur me këtë askion të Inuv. Ai shton se banorët nuk duan të konfliktohen me organet e shtetit. Banori rrefen se banorët e fshatit aktualish ndodhen pranë objektit.
