LEZHË - Kalaja e Lezhës ka filluar të kthehet në identitet, kjo falë një restaurimi të pjesshëm, i cili është bërë i mundur në kuadër të projektit ADRIFORT.<br /><br />Rikonstruksioni është përqëndruar tek muret fortifikues të kalase, duke penguar shembjen e mëtejshme të tyre. <br /><br />Gjithashtu janë kryer punime edhe në portat kryesore të kalasë duke vendosur trarë mbajtes në to. <br /><br />Trarët synojnë të pengojnë rrenimin e këtyre mureve mesjetare si dhe i kanë dhënë pamje tjetër këtij aseti historik. <br /><br />?Faza e parë ka nisur me restaurimin e mureve antike në pjesën veriore. Tek faqa veriore e kalasë ku kanë qenë të rrëzuar rreth 35 gurë, janë vendosur në vendin e tyre.<br />Më pas kemi nisur te porta kryesore e kalasë, kemi hequr trarët dhe kemi mbushur me spolie pjesën bosh që është e kthyer gati në rrënojë. Kemi bërë restaurimin e plotë të murit jugor të kalasë dhe është fugatuar pothuajse pjesa më e madhe e mureve fortifikuese dhe kullave të kalasë. Është ndërtuar biletaria e re që nuk ka ekzistuar asnjëherë më parë? ? tha Paulin Zefi, përgjegjës i Kulturës Kombëtare Lezhë<br /><br />Fale këtij projekti do të mundesohet vendosja e tabelave informuese për çdo objekt historik të rëndësishëm me karakteristikat përkatëse dhe investime të tjera që pritet ta bëjnë më të aksesueshëm këtë objekt. <br /><br />Kalaja është ndër destinacionet turistike më atraktive në Shqipëri.
