Trajneri i ekipit kombëtar të futbollit Gianni De Biasi ka zbuluar listën e lojtarëve që do të ketë në dispozicion për dy ndeshjet më të rëndësishme të eliminatoreve të Euro 2016 përballë Danimarkës fillimisht në Kopenhagen më 4 Shtator dhe më pas me Portugalinë në Elbasan më 7 Shtator.<br /> <br />Risitë e teknikut janë afrimi i Berat Xhimishtit, rikthimi i Ervin Bulkut dhe lënia jashtë grumbullimit e Alban Mehës dhe Valdet Ramës, ndërsa Mërgim Mavraj nuk është rikuperuar në kohë.<br /> <br />Ndryshe nga më parë tekniku italian ka shpallur objektivat për betejat e radhës jo nga ambientet e FSHF, sikur ka bërë në vitit e fundit, por nga Venecia me ?Skype?, aty ku është grumbulluar kombëtarja.<br /> <br />Tekniku deklaron se do tentojë fitoren në Kopenhagen përballë rivalit direkt për vendin e dytë në grup, por shton se ndeshja me Danimarkën është e rëndësishme, por jo vendimtare.<br /> <br />"Danimarka është një ndeshje kyçe, por jo vendimtare, ne do të tentojmë fitoren me nordikët.<br /> <br />Do të provojmë të bëjmë lojën tonë, do tentojmë të fitojmë përballë një skuadre me lojtarë të shkëlqyer.<br /> <br />Kemi aq pikë sa Danimarka, por një ndeshje më pak. Në ndeshjen e fundit luajmë me Armeninë, ndërsa danezët kanë miqësore me Francën.<br /> <br />Nëse do të kemi grumbulluar pikët e duhura deri në sfidën finale, do të tentojmë të marrim rezultat për t?u kualifikuar direkt?deklaroi ai.<br /><br />Ndërsa një tjetër lajm që ka zyrtarizuar De Biasi është zëvendësimi i Altin Lalës me Erion Bogdanin në pozicionin e zv.trajnerit të kombëtares.<br /><br />Aktualisht Shqipëria ka 10 pikë në grupin ?I? po aq sa edhe Danimarka, por nordikët janë në vendin e dytë vetëm për faktin se kanë barazuar 1-1 ndeshjen e parë në Shqipëri.<br /> <br />Kuqezinjtë luftojnë për vendin e dytë në grup, që do të thotë kualifikim direkt në Francë 2016, pasi ?Play-Off?-in e kanë siguruar.
