TIRANË - Lamtumirë rrjetave të merimangave në Tiranë. Faza e dytë e aksionit për stabilizimin dhe disiplinimin e rrjeteve ajrore të kabllorëve apo linjave të internetit do të nisë të japë frytet e saj të para prej shtatorit.<br /> <br />Vasil Mitezi drejtor i Monitorimit të Frekuencave, Cilësisë dhe Inspektimit pranë AKEP në një intervistë për A1 Report sqaron detajet e planit të veprimit.<br /> <br />?Plani i veprimit parashikon ndërhyrjen duke filluar nga qyteti i Tiranës pjesën e unazës së vogel ku janë evidentuar tashmë pjesa më e madhe e zonave dhe rrugëve problematike. Ndërkohë do proçedohet me afate kohore dhjetë ditore për zonat jashtë unazës siç janë Kombinati, Fresku, Kinostudio e të tjera.? - tha Mitezi <br /><br />Por një nga problematikat e zbatimit të këtij projekti që është financimi, Mitezi përgjigjet:<br /> <br />?Shtrimi i fibrës apotike për disiplinimin e rrjeteve dhe aty ku duhet ndërtimi i rrjeteve të reja mbulohet vetëm nga operatorët dhe sipërmarrësit e komunikimeve elektronike. Klientët jo vetëm që nuk duhet të paguajnë, por do të marrin dhe një cilësi shërbimi shumë herë më të mirë me fibrën optike apo me menyrat e tjera alternative të transmetimit.?, - tha më tej ai<br /><br />Projekti synon që përveç çlirimit nga kabujt në shtyllat elektrike, ato të ndriçimit apo edhe nga pemët të zbatohet edhe në Shqipëri projekti smart city njësoj si në vendet perëndimore.<br /> <br />?Praktikat më të mira në vendet evropaine sot tregojnë që përdorimi i teknologjisë wireless është shumë efektiv dhe shumë frytdhënës. Do të përmendja këtu projektet e famshme Smart City të cilën ne do ta rekomandonim dhe për zonat ku ka dendësi të lartë popullësie ku nuk ka mundësi dhe infrastrukturë per instalimin e kabllove ajrore.? ? tha më tej Mitezi<br /><br />Plani i veprimit do të nisë fillimisht me Tiranën ku për çdo zonë të konstatuar si problematike është caktuar një afat 10 ditor e më pas do të vijohet me zonat rurale të çdo bashkie ku sipas Mitezit brenda datës 30 dhjetor pritet që të jetë mbyllur edhe kjo fazë punimesh.
