Kreu i grupit parlamentar të Partisë Demokratike në një deklaratë për mediat reagoi mbi ristrukturimin e Partisë Socialiste në kuadër të zgjedhjeve të ardhshme parlamentare. Edi Paloka iu referua përcaktimit si përgjegjës për Qarkun e Vlorës, deputeti Koço Kokëdhima.<br /> <br />?Edi Rama e pranoi zyrtarisht dhe publikisht se Beu i Jugut është Koço Kokëdhima. De facto, Kokëdhima ka qene deri me sot kryeministri i të gjithë aksit Lushnje-Fier-Vlorë-Sarandë. Ai vendos për gjithçka, për çdo tender, privatizim, e punësim. Por dje ai është shpallur edhe ?de jure? nga Edi Rama si padron i Jugut. Dje nën justifikimin e një organizimi të ri të PS, Kokëdhimës i është shtuar nën zotërim edhe qarku i Gjirokastrës?, tha Paloka.<br /> <br />Kreu i grupit demokrat sulmoi deputetin e PS-së duke thënë se po promovon persona me precedentë kriminalë dhe se ka shkelur Kushtetutën duke përfituar fonde publike.<br /> <br />?Në të vërtetë Koco Kokëdhima nuk përfaqëson asnjë qytetar dhe asnjë socialist të ndershëm të jugut dhe të gjithë Shqipërisë. Ai është përfaqësues i oligarkisë që ka kapur pushtetin dhe e ushtron atë çdo ditë e çdo orë për interesat e veta financiare. Modeli i Ramës për Jugun është modeli i ideatorit të legalizimit të drogës dhe rrëmbimit të çdo prone. Janë me dhjetra ankesat e denoncimet e përditshme të qytetarëve për Koço Kokëdhimën. Janë me mijëra ankesat e denoncimet të vetë socialistëve të tradhëtuar nga deputeti i tyre dhe nga mënyra se si e ushtron ai pushtetin. E megjithatë, Edi Rama e shpalli me ceremoni dhe e kurorëzoi Koçon si beun e Jugut?, përfundoi Paloka.
