"Hashashin që më keni sekuestruar e kam për përdorim mjekësorë dhe me të kuroj babanë e sëmurë.?<br /><br /> Në këtë mënyrë i është përgjigjur oficerëve të policisë 33-vjeçari Alban Mero i konsideruar si tekniku i vjedhjeve me dhunë e armë në Tiranë por deri 48 orë më parë, ende i paidentifikuar.<br /><br />Prokuroria e Tiranës ka zbardhur detaje të operacionit që çoi në prangosjen e Meros, ku gjithçka ka nisur mesditën e 29 gushtit në rrugën Jordan Misja.<br /><br />Sipas hetimeve Mero ka kryer vjedhjen e 200.000 mijë lekëve në banesën e fqinjës së tij shtetases me iniciale L.B., ndërsa ai dyshohet dhe për një sërë veprash të tjera penale.<br /><br />Por gjatë kontrollit të banesës së vjedhur policia ka sekuestruar gjurmë papilare të cilat kanë korresponduar me ato të 33-vjeçarit tashmë nën akuzë si dhe 2 pistoleta e 3 pushkë.<br /><br />Për këto armë të ngjashme me atë të forcave speciale i riu mësohet se e ka pranuar që ato i përkasin atij, por ka shpjeguar se janë armë të mbetura nga vitit i mbrapshtë 1997.<br /><br />Mero pritet që të martën të dalë para gjykatës për tu njohur me masën e siguresë, ndërsa armët e sekuestruara do ti nënshtrohen analizave balistike për të parë nëse janë përdorur në krime të mëparshme përfshi vrasje dhe grabitje me dhunë.
