Kryeministri Edi Rama ka përcaktuar një mekanizëm të ri brënda partisë socialiste, duke emëruar 6 koordinatorë , që do mbulojnë 12 qarqe. Kreu i qeverisë në disa takimet të ditëve të fundit me deputetë të Tiranës dhe të Vlorës e Gjirokastrës, ka vendosur që të të ketë unifikime të qarqeve, duke i ndarë në 6 rajone.<br /><br />Kryeministri Rama ka vendosur që të monitorjë mbarëvajtjen e punës për veriun e vendit, ndërsa në jug do të jetë deputeti i vjetër socialist Gramoz Ruci. Por pjesë e këtij mekanizmi të ri të së majtës, janë edhe kryetarët e bashkive pjesë e qarqeve, deputetët e zonës dhe ministra, me diferencën që kordinatorët do t'i raportojnë personalisht kryeministrit.<br /><br />Ajo që bie në sy është fakti se në 4 rajone drejtues janë ministra dhe në dy prej tyre janë 2 deputetë, Taulant Balla dhe Koço Kokëdhima.<br /><br />Emri i fundit që do të zyrtarizohet sot është ai i ministres së arsimit Lindita Nikolla që do merret me 2 qarqe te rëndësishme, si Dibrën dhe Lezhën.<br /><br />Kongresi i janarit mbart rëndësi edhe për faktin se do të ketë zgjedhje edhe për kryetarin e Partise, ose mund të përcaktohen rregulli që aplikon partia Laburiste ne Angli, ku kryeministri është automatkisht edhe kryetar i partisë.<br /><br />Funksionet<br />Ndër funksionet kryesore të koordinatorëve do të jenë monitorimi i punës se administratës , apo edhe njohja me problematikat dhe ankesat e banorëve të zonave të ndryshme, të gjithë vendin. Ky komision i ri brenda partisë do të merret dhe me përgatitjet e punës për zgjedhjet parlamentare të vitit 2017, ndërsa në afat shkurtër objektivi kryesor është rifreskimi i partisë socialiste.<br /><br />Ku në janar të vitit 2016 do të zhvillohet edhe kongresi i partisë, që synon të ketë një trupe të re partiake, me anëtar të rinj të kryesisë që ka në brendësi 15 vetë, dhe asamblesë kombëtare me 25 anëtarë. Objektiv ambicioz i deklaruar edhe nga kryeministri Edi Rama është edhe shtimi i radhëve të socialistëve me 50 mijë anëtarë të rinj, nga 100 mijë që është aktualisht në 150 mijë. Gjithashtu pritet që në gjithë ato zona ku rezultati i zgjedhjeve lokale nuk ishte pozitiv të ketë edhe largime të drejtuesve dhe zëvendësimin e tyre me figura të reja.<br /><br />Koordinatorët dhe rajonet që do të drejtojnë <br />Ditmir Bushati do të jetë koordinator i Rajonit Shkodër-Kukës<br />Lindita Nikolla do të jetë koordinatore e Rajonit Lezhë-Dibër<br />Saimir Tahiri do të jetë koordinator i Rajonit Tiranë-Durrës<br />Taulant Balla do të jetë koordinator i Rajonit Elbasan-Korçë<br />Bledi Klosi do të jetë koordinator i Rajonit Berat-Fier<br />Koço Kokëdhima do të jetë koordinator i Rajonit Vlorë-Gjirokastër
