SHKODËR ? Në ditën e dy të operacionit anti-kanabis në Shkodër, forcat e policisë kanë ushtruar kontroll në fshatrat Kasnec, Mgulle, Xhan, Pog dhe Kir të njësisë administrative Pult.<br /> <br />Gjatë punës në terren të 400 forcave të policisë të ndarë në 25 grupe, janë evidentuar 53 parcela me 7 943 bimë. <br /> <br />Në operacion veprojnë forcat speciale RENEA, FNSH-të dhe efektivë të Komisariatit Shkodër. Gjatë ditës së djeshme, u asgjësuan edhe 32.676 rrënjë kanabis në këtë zonë.<br /> <br />Zëdhënësi i Policisë së Shtetit, Genti Mullai në një lidhje telefonik për A1 Report u shpreh se, operacioni ishte i vështirë pasi terreni ishte i thepisur dhe zonë e pyllëzuar.<br /> <br />Edhe pse gjatë operacionit në Shkodër nuk është arrestuar asnjë kultivues narkotikësh, Mullai tha se policia gjatë këtij viti ka arrestuar 260 persona, 173 më shumë se vitin e kaluar.<br /> <br />Mullai bëri me dije se kultivimi i bimëve narkotike në tokë me pronarë ka çuan ë arrestimin e tyre, por në ato pa pronarë ka qenë i vështirë evidentimi i kultivuesve.
