Sipas Partisë Demokratike krerët e policisë dhe qeveria braktisën policinë dhe ndihmuan trafikantët lidhur me trafikun e narkotikëve nga Shqipëria drejt Italisë.Denoncimi ka ardhur nga selia blu me anë të deputetit Flamur Noka i cili e ka cilësuar këtë veprim si lidhje të politikës me krimin.<br /><br />"Qeveria dhe policia janë nën akuzë për mbështetje të trafikut të drogës. Akuza vjen nga një oficer policie, që ka treguar se si ka funksionuar skema e trafiqeve dhe lidhjet e trafikantëve me politikanët,-tha Noka, duke iu referuar deklaratave të ish-shefit të Antidrogës së Fierit, Dritan Zgani. <br /><br />Tradhëtia që i është bërë oficerëve të policisë që kanë hetuar trafikun e drogës është në qendër të qeverisë së sotme. Ministri i Brendshëm duhet të japë shpjegime, cilat janë këto banda, a ka lidhje ai me to? Pse lejohet ky biznes kriminal dhe si ndahen paratë e drogës? Ministri i Brendshëm dhe qeveria janë nën akuzë. Heshtja e tyre konfirmon përfshirjen në krim?, tha Noka.<br /><br />?Lidhjet e krimit me politikën kanë shkuar deri aty, saqë oficeri është kërcënuar. Bandat e drogës kishin siguruar të dhënat e oficerit dhe të bashkëpunëtorëve të tij?, ka vijuar Noka.
