LEZHË - Një ditë pas ngjarjes në Laç ku u plagosën 7 persona, në shtëpitë e fisit Cali kanë mbetur vetëm fëmijët adoleshentë të familjes.<br /> <br />Pjesa tjetër janë ose në Spitalin e Traumës pranë të afërmeve të plagosur nga përleshja e të shtunës pas mesnare, ose në lokalin e tyre në lagunën e Patokut, i cili edhe sot është i hapur.<br />Kjo është rrugica ku janë vendosur shtëpitë e vëllezërve Cali në fshatin Fushe-Kuqe, të cilët u përfshinë në një përleshje ku u përdorën edhe armët, me pjesëtarët e familjes së deputetit të mazhorancës Armando Prenga. Këtë të dielë situata paraqitet e qetë. Në fshat nuk ka prani policie dhe vëllai i të plagosurve Gjon Cali, në një lidhje telefonike për A1 Report ka pohuar se gjatë ditës së sotme nuk është shënuar asnjë incident mes pjesëtareve të familjes së tij dhe Prengajve. <br /><br />?Familjarët vërtetë janë të shqetësuar për këtë që ndodhi nuk e prisnin që të ndodhte kjo gjë është një gjë e papritur. Aktualisht kanë mbështetjen e policisë rrethit shoqëror, policia është sjellë jashtëzakonisht mirë me ta?, - tha Gjon Cali.<br /><br />Cali gjithashtu ka konfirmuar se gjendja shëndetësore e vëllezërve të tij është më e mirë, ndërsa i bën apel instancave përkatëse të zbardhin këtë ngjarje dhe të vendoset drejtësia. <br /><br />?Ne i kërkojmë drejtësisë të zbardhi çështjen tamam si ka ndodhur ashtu siç është e vërteta të mos ketë manipulime dhe ndërhyrje që të manipulohen faktet e provat. Kërkojmë të bëhet një gjykim i drejtë dhe i saktë?, u shpreh Calipër A1 Report.<br /><br />Aktualisht në Spitalin e Traumës në kryeqytet ndodhet i shtruar nën kujdesin intensiv të mjekëve, Tom Cali, i cili është plagosur më armë zjarri, ndërsa vëllezërit e tij Gjergji, Gjoka, Nikolli dhe Françesku që janë plagosur me mjete të forta ndodhen gjithashtu në spital por gjendja e tyre është e mirë dhe janë sistemuar në pavione.
