Më 4 qershor të këtij viti transportuan rreth 80 kg marijuanë nga Shqipëria drejt Italisë me avionin ultraleggero dinamik, ndërsa më 1 shtator planifikonin rrugën e dytë e cila dështoi për kushte të paparashikuara.<br /><br />Është ky rezultati i arritur pas hetimeve 4-mujore të policisë italiane që mëngjesin e kësaj të hënë çoi në prangosjen e 4 personave dhe sekuestrimin e avionit të përdorur për trafik droge pasi shmangeshin kontrollet kufitare.<br /><br />Gjithçka sipas policisë italianë ka nisur më 4 qershor të këtij viti kur ky grup dyshohet se ka transportuar rreth 80 kg marijuanë.<br /><br />Nën operacionin e koduar ?Krahu i Hekurt? policia italianë ka mundur të arrestojë mëngjesin e kësaj të hënë dy shtetas shqiptarë dhe dy italian, të cilët sipas hetimeve ishin përfshirë në trafikun ndërkombëtar të drogës.<br /><br />Po ashtu këtë të hënë është sekuestruar dhe avioni i këtij grupi i cili është pikasur nga helikopteri policisë së Milanos teksa kthehej nga Puglia në Gatinara zonë në afërsi të Torinos.<br /><br />Është pikërisht avioni që shihni në pamje i sekuestruar në një pistë sportive në komunën e Gatinara-s në rajonin e Vercellit në Itali. Ky avion sipas hetuesve rezulton i modifikuar dhe kjo përbën provën që ai është përdorur në transportin e drogës.<br /><br />Avionit i ishte hequr ulësja e pasagjerit dhe në këtë mënyrë ishte krijuar një hapësirë për transportin e një sasie prej 120 kg.<br /><br />Të arrestuarit deri në këtë fazë të hetimeve rezultojnë të jenë 2 shtetas shqiptar Maksim Llanaj dhe Fitor Alliaj i njohur me pseudonimin Vito si dhe dy italianët Pasquale Dambrossio piloti avionit dhe Rosario Camprisi. <br /><br />Hetimet konsiderohen të hapura për shkak të kontrolleve që po kryhen në zonë dhe kontakteve të zbuluara në telefonat celular të të ndaluarve.<br /><br />Avioni model ultraleggero është ulur mëngjesin e kësaj të hënë në aeroportin turistik të Gattinas komunë në afërsi të Torinos në itali, ndërsa menjëherë kanë ndërhyrë forcat e rendit.<br /><br />Ky grup trafikantësh ka tentuar të transportoj rrugën e dytë të drogës më 1 shtator të këtij viti, por gjithçka është anuluar për shkak të kushtetove të paparishikuara që ndodhën në pistën e Leçes që ky avion e përdorte me pretekstin e uljeve teknike.<br /><br />Hetimet janë koordinuar nga Prokurori Antonio Rinaudo i Prokurorisë së Torinos dhe arrestimet e para janë konfirmuar edhe nga Gjykata.<br /><br />Ende në kërkim rezultojnë pjesëtarët e tjerë të të njëjtit grup kriminel si në Itali ashtu edhe në Shqipëri.<br /><br />Të arrestuarit<br /> <br />Maksim LLANAJ, lindur ne Shqiperi me 1978, rezident ne Volpiano (TO) i cili rezulton i gjykuar disa here me vepra penale te ndryshme <br />Pasquale D?AMBROSIO lindur me 1957 ne Stio (Salerno), rezidente ne Angera (VA), me preçedente penal. <br />Fitor ALLIAJ, i quajtur Vito lindur me 1972 ne Shqiperi dhe rezident ne Druento (TO), me preçedente penal;<br />Rosario CAMPISI lindur me 1955 ne Pachino (SR) rezidente ne Borgosesia (VC), me preçedente te shumte penal.
