TIRANË - Kreu i Komisionit të Sigurisë Spartak Braho i është drejtuar me një letër ministres së Mbrojtjes Mimi Kodheli, ku kërkon ndëshkimin dhe vënien para ligjit të Pirro Ahmetajt, këshilltarit ushtarak të Presidenti Nishani. Dy ditë më parë Gjenerali i Brigadës Ahmetaj ka bërë deklarata të forta dhe fyese kundër deputetëve anëtarë të këtij komisioni parlamentar duke i identifikuar ata si ?ish-sigurimsa, aleanca e kriminelëve, medikokër?....<br /> <br />Letra, të cilën Shqiptarja.com e siguron, i shkon për dijeni edhe kreut të shtetit Bujar Nishani dhe kryeparlamentarit Ilir Meta.<br /> <br />?Znj. Ministre, duke qenë se prononcimet publike të Ushtarakut Aktiv Gjeneral Brigade Pirro Ahmetaj vijnë në kundërshtim të hapur me kushtetutën dhe me ligjet në Republikën e Shqipërisë, me ligjet që normojnë veprimtarinë dhe drejtimin e Forcave të Armatosura të Republikës së Shqipërisë kërkojmë: Nisjen e procedurave disiplinore për ushtarakun Pirro Ahmetaj me gradë Gjeneral Brigade, me detyrë Këshilltar Ushtarak pranë Presidentit të Republikës së Shqipërisë, vënien përpara përgjegjësisë ligjore si dhe marrjen e masave që parashikon ligji në këto?<br /><br />Braho e vë në dijeni ministren për deklaratat e Ahmetajt jashtë etikës së ushtarakut, të cilat lidhen me kundërshtinë e tij ndaj votave pro që deputetët e mazhorancës kanë dhënë për ligjet e reformës së mbrojtjes. Këto janë bërë shkak për përplasje të vazhdueshme mes institucionit të Presidentt dhe mazhiorancës së majtë, ligje të cilat kreu i shtetit i ka kthyer për rishqyrtim në Kuvend.<br /> <br />Në deklaratën e tij Ahmetaj e quan qasje sovjetikësh të aleancës së kriminelëve, sigurimsave dhe qelbësirave, votimin në Kuvend me 72 nga 100 vota të këtyre ligjeve.
