Politika shqiptare vazhdon të mos jetë e unifikuar në qëndrimin ndaj Palestinës. Shkak të hapjen e një debati të tillë sërish është bërë votimi pro i ambasadorit të Shqipërisë në OKB për ngritjen e flamurit të vendit të Lindjes së Mesme në selinë qendrore të OKB-së në Nju Jork.<br /><br />Rezoluta u miratua me shumicë të konsiderueshme pasi 119 vende votuan pro dhe 45 kundër. Vendimi është nj lëvizje simbolike për aspiratën e Palestinës për t?u njohur si shtet nga OKB-ja.<br /><br />Rezoluta e miratuar përveçse lejon ngritjen e flamurit të Palestinës, lejon dhe grindjen e flamurit të Vatikanit. Të dy këto vende janë vende vëzhguese dhe jo anëtare të Asamblesë së OKB-së. <br /><br />Qëndrimi i Shqipërisë bie ndesh me qëndrimin e aleatit kryesor, atë të SHBA-ve, të cilët kanë votuar kundër. <br />SHBA dhe Izraeli ishin mes vendeve që votuan kundër, ndërsa 28 vendet e BE-së abstenuan. Sipas rezolutës flamuri i Palestinës do të ngrihet brenda 20 ditëve. Diplomatët palestineze thonë se presin që flamuri të grihet më 30 shtator.<br /><br />Ministria e Jashtme e Shqipërisë në një reagim për ?Shqiptarja.com? sqaron se, vendimi është marrë për t?i paraprirë të njëjtit votim që do të mbahet në të ardhmen dhe për Kosovën.<br /><br />Zëdhënësi Glevin Dervishi thotë se vota pro e Shqipërisë është bërë dhe për shkak se kjo procedurë do të ndiqet edhe në rastin e Kosovës. Sipas tij për t?i paraprirë kësaj situate Shqipëria ka vendosur që të votojë pro, ndryshe nga qëndrimet e tjera që ka pasur në lidhje me çështjen e Palestinës.<br /><br />Lidhur me votën pro Palestinës kanë reaguar disa zyrtarë të PD-së, të cilët e kanë konsideruar vendim absurd.<br /><br />Deputeti Genc Pollo shprehet se, ?për flamurin palestinez në OKB qeveria ?Rama? voton ndryshe nga SHBA dhe BE. Gabim!! Palestinezët nuk ndihmohen. Justifikimi me Kosovën hipokrit?.<br /><br />Ish-deputeti i Partisë Demokratike Tritan Shehu shkruan se ky është një veprim i gabuar miop i diplomacisë shqiptare.<br /><br />?Votimi ynë pro flamurit të Palestinës në OKB është një qëndrim absurd, i gabuar dhe jo produktiv, qoftë dhe si vendim vetë. Vota jonë diametralisht e ndryshme nga vota e SHBA është një "gafë" e rëndë politik e diplomatik?, thotë Shehi.<br /><br />Shqipëria në rastin e aplikimi të Palestinës për t?u njohur si shtet nga OKB votoi abstenim përballë kërkesës së Turqisë për të votuar pro dhe qëndrimit të SHBA-ve kundër kërkesës.Si Izraeli dhe Palestina nuk kanë njohur pavarësinë e Kosovës. Në një kohë kur izraelitët kanë dhënë shenja se këtë mund ta bëjnë në të ardhmen, qëndrimi i Palestinës ka qenë një qëndrim i fortë kundër.
