TIRANË - Ditën e hënë më 14 shtator, policia e kryeqytetit dhe Komisariati Rrugor kalojnë në gatishmëri, kjo për shkak të nisjes së vitit të ri shkollor.<br /><br />Në një njoftim për mediat polica bënë me dije se veç shërbimeve normale, do të angazhohen dhe struktura të posaçme si ajo e krimit ndaj personit dhe krimeve të rënda për të parandaluar çdo ngjarje kriminale.<br /><br />Për sa i përket qarkullimit rrugor kërkohet mirëkuptimi i qytetarëve për bllokimin e qarkullimit në disa akseve të një kategorie automjetesh apo ndalim parkimi pranë objekteve arsimore përfshi shkollat 9 vjeçare dhe gjimnazet.<br /><br />Burime nga policia e kryeqytetit thanë se ditën e hënë në terren do të jenë afro 800 efektivë policie përfshi këtu strukturat e 6 komisariateve, patrullën Shqiponja si dhe sektorët e Departamentit të Anti-drogës.<br /><br />Të njëjtat burime sqaruan se përgjatë zhvillimit të mësimit, i cili në disa shkolla do të jetë me dy turne, sipas varësisë së 6 komisariateve në çdo shkollë do të jetë dhe efektivi i policisë për të siguruar rend dhe qetësi.
