TIRANË - Aksioni i qeverisë kundër informalitetit në biznes ka nisur të jap frutet e para. Vetëm gjatë këtyre 10 ditëve janë lëshuar 50 përqind më shumë kupona tatimorë nga subjektet në të gjithë Shqipërinë, duke rritur në këtë mënyrë të ardhurat. <br /> <br />Në një konferencë të gjatë për mediat, drejtoresha e Tatimeve Briseida Shehaj bëri publike shifrat e arritura deri më tani nga aksioni. Ajo tha se janë 1440 subjekte të cilat janë gjobitur për shkelje të ndryshme, siç janë punonjësit e pasiguruar, mungesa e kasës fiskale, apo shitja e produkteve pa kuponin tatimor.<br /><br />Nga 13,352 kontrolle që janë kryer në këto ditë shtatori, këto janë rezultatet e prezantuara nga drejtoresha e Tatimeve Shehaj:<br /> <br />1968 subjekte me shkelje (të lincencuar) por me punonjës të pasiguruar, pa kasa fiskale, mallra pa faturë kuponi tatimot<br />1440 subjekte kanë marrë gjobë<br />590 subjekteve u është konfiskuar malli pa faturë<br />186 subjekte pa regjistruar<br /><br />Në 10 ditët e para të shtatorit, bizneset kanë lëshuar 50 % më shumë kuponët tatimorë. Kreu i Tatimeve tha se ka një rritje me 6.6 milionë dollarë të vlerës së tatueshme. ?Kjo është një shifër e mirë dhe në bazë të kësaj do shohim xhiron ditore dhe më pas përcaktimin e tatimeve për çdo biznes?, tha Shehaj.
