TIRANË - Këtë të hënë të gjithë drejtuesit e mjeteve të tonazhit të rëndë dhe furgonëve të mallrave ja hodhën me një ?këshillë? mos respektimit të urdhrit të Bashkisë së Tiranës që kufizon qarkullimin e tyre në unazën e vogël nga ora 06:00-20:00 per shkak te nisjes se shkolles. Nga java tjetër çdo shkelje do të shoqërohet dhe me gjoba nga Policia Rrugore, e cila thotë se këtë të hënë ka kthyer pas mbi 200 mjete, por pa i gjobitur pasi ende mungon sinjalistika informuese pranë shkollave apo në akset hyrëse në kryeqytet.<br /><br />...<br />Mbi 200 mjete të tonazhit të lartë mbi 3.5 ton përfshi këtu dhe furgonë të transportit të pasagjerëve apo mallrave janë penguar të futen në unazën e vogël të kryeqytetit prej orëve të para të mëngjesit të kësaj të hëne. Shkak për këtë është bërë plani i masave për menaxhimin e trafikut për shkak të nisjes së vitit të ri shkollor.<br /> <br />Por ka pasur shumë mjete të cilat pavarësisht kufizimeve të bëra publike nga kryebashkiaku Veliaj, kanë hyrë në unazë.<br /><br />Policia Rrugore ka sqaruar se këto mjete të cilat kanë thyer kufizimet këtë të hënë janë këshilluar dhe nuk janë gjobitur, pasi shkak është mungesa e sinjalistikës për ndalim qarkullimin.<br /><br />Me vendosjen e sinjalistikës, - sqaron komisariati Rrugor, sinjalistikë e cila pritet të kompletohet brenda javës, më pas çdo drejtues mjeti që shkel atë do të penalizohet me gjobë.
