Subscribe në Ora News këtu http://bit.ly/1s5j7UT <br /><br />Braktisja dhe amortizimi i shtëpisë Muze të vëllezërve Frashëri në Përmet, ka degraduar bibliotekën që gjendet në brendësi të godinës. Për shtëpinë që është kthyer në magazinë bimësh medicinale nga banorë të zonës, Ministrja e Kulturës ka shpjeguar se ndonëse ekziston projekti për ndërhyrjen, roli i komunitetit është domethënës për mirëmbajtjen e Monumenteve të kulturës me rëndësi të veçantë për historinë e Shqipërisë.<br />Shtëpia Muze ku lindën vëllezërit Frashëri në Përmet, është lënë në mëshirë të fatit.<br />Ndërtesa tre katëshe është katandisur me xhama të thyer, dërrasa të çara, e mure të plasaritur.<br />Pluhuri i harresës duket se nuk po kursen vatrën e vëllezërve Abdyl, Naim, e Sami Frashëri, trinomin e historisë, kulturës dhe letërsisë shqiptare.<br />Ndërtesa që ndodhet 45 km larg Përmetit po degradohet cdo ditë e më tepër, duke e humbur fuksionin si bibliotekë. Ndërsa shumë stenda tashmë janë boshatisur.<br />Ministrja e Kulturës pranon gjendjen e keqe ku gjendet shtëpia Muze, por apelon që për të ruajtuar këto Monumente të rëndësisë së veçantë, përvec bashkëpunimit me institucionet, duhet të ndihet dhe roli i qytetarëve.<br />Kumbaro: ?Kemi çuar ekipin, kemi kontrolluar, i kemi dërguar dhe shkresat përkatëse Bashkisë. Jemi në kontakt me ta që ata të bëjnë pjesën e tyre të mirëmbajtjes të paktën ga ana e pastërtisë dhe objekteve. Dhe ne po përgatisim ndërkohë një projekt-ndërhyrje si Monument Kulture për konsolidimin e shtëpisë. Ka shumë punë që mund të bëhen dhe duhet të bëhen nga komuniteti?.<br />Në shtëpinë e Frashëllinjve sheh libra të hedhur kudo dhe bimë medicinale që thahen, duke e shndërruar në një magazinë të rëndomtë.<br />Bashkë me shtëpinë e vëllezërve Frashëri, po harrohet dhe momente të rëndësishme historike për Shqipërinë.<br /><br /><br />Për më shumë klikoni në http://www.oranews.tv/kultura/shtepia-e-vellezerve-frasheri-kumbaro-komuniteti-te-na-ndihmoje-per-mirembajtjen/
