Komisioni i Posaçëm parlamentar për Dekriminalizimin ka mbyllur punimet rreth orës 15:45, pa marrë një vendim sesi do të vijohet më tej. Kreu i komisionit, Oert Bylykbashi në përfundim të mbledhjes tha se në mbledhjen e ardhshme do të diskutohet konkretisht për propozimet që do t?i dërgohen Kuvendit në seancë plenare.<br /><br />Mbledhja është shoqëruar me debate mes përfaqësuesve të mazhorancës dhe opozitës nisur dhe nga paraqitja gjatë ditës së sotme të projektligjit të propozuar nga Këshilli i Ministave për Dekriminalizimin.<br /><br />Taulant Balla tha se projektligji i propozuar nga Partia Demokratike bie në kundërshtim me rekomandimet e Komisionit të Venecia dhe me ligjin ?Severino? dhe propozoi që të arrihet një draft i përbashkët duke punuar mbi propozimin e PD-së dhe Këshillit të Ministrave.<br /><br />Deputeti socialiste nënvizoi se komisioni e ka ezauruar mandatin dhe tashmë është Kuvendit që duhet të shprehet në seancë plenare dhe më pas të miratohet varianti i duhur i ligjit.<br /><br />Gjithashtu, Balla tha se komisioni nuk mund të shqyrtojë ndryshimeve kushtetuese, por kreu i komisionit Oert Bylykbashi tha se, Kuvendi ka miratuar një rezolutë për këtë komision.<br /><br />Deputeti i PD-së, Eduard Halimi tha se komisioni nuk mund të mbyllë punimet pa përgatitur një projektligj për dekriminalizimin, gjë për të cilën është ngritur.<br /><br />Në këto kushte komisioni përveç diskutimeve procedurale nuk mori në shqyrtim asnjë propozim, por deputeti Spartak Braho komentoi edhe propozimin e demokrateve për sa i përket testit të drogës për zyrtarët e lartë.
