TIRANE - Bizneset do të survejohen në mënyrë të fshehtë nga persona të veçantë nga tatimet për të denoncuar abuzimet nga biznesi. Ministri i Financave Shkëlqim Cani ka paraqitur një tjetër masë në luftën kundër të informalitetit, ku persona të caktuar do të vëzhgojnë në mënyrë të fshehtë subjektet tatimpaguese.<br /><br />...<br />Qeveria merr të tjera masa për të luftuar informalitetin në ekonomi. Nëpër biznese të ndryshme do të vendosen persona të cilët do të spiunojnë abuzuesit me ligjin. Punonjësit e tatimeve në mënyrë të fshehtë do të kontrollojnë subjektet të ndryshme. Ka qenë ministri i financave Shkëlqim Cani i cili nga komisioni ekonomisë paralajmëroi këtë masë të re që do të shtrihet në të gjithë vendin. <br /><br />Cani ka prezantuar në komision edhe ndryshimet ligjore ne ligjin për procedurat tatimore të cilat konsistojnë në ashpërsimin e penaliteteve. Në qendër të aksionit të qeverisë janë bizneset që nuk lëshojnë kupon tatimor, fshehin të ardhurat apo nuk kanë një inventar të saktë. Këto masa u kundërshtuan nga ish ministri i Financave, Ridvan Bode që sipas tij, do të shkaktojnë efekt negative te biznesi vogël.<br /><br />Por komisioni është karakterizuar edhe nga debate me tone të larta mes kryetarit Erjon Braçe dhe ish ministri Bode të cilët nuk i kane kursyer debatet me tone te larta mes tyre.
