Të rinjtë nga mosha 18-28 vjeç duan punë, por nuk dinë të plotësojnë biografinë ose të ashtuquajturën SV-në, për aftësitë dhe përvojat e tyre. Për t'i fituar këto shkathtësi dhe praktikë më të madhe nw komunikimin e ndërsjellë, Ministria e ekonomisë në bashkëpunim me profesorët e fakulteteve do t'ua mësojnë studentëve shkathtësitë elementare dhe punët praktike të cilat duhet t'i dinë për të qenë një kuadër i kompletuar dhe të mund të kërkojnë punë në kompanitë e vendit ose ato të huaja. Të gjithë ata që dëshirojnë të përsosen dhe më lehtë të fitojnë vend pune, prej nesër mund të paraqiten në Ministrinë e ekonomisë dhe të bëhen pjesë e ekipit, i cili do t'iu mundësoj të marrin këto njohuri.<br /><br />Përfaqësuesit e universiteteve përshëndetën këtë risi dhe pranuan se të rinjtë teorikisht mirë janë të përgatitur, por shumë vështirë atë teori mund ta zbatojnë në praktikë.<br /><br />Edhe pse në vendin tonë ka shumë të papunë, shumica e tyre edhe pse nuk iu përshtaten nevojave të ndërmarrjeve që kërkojnë punëtor, ata megjithatë konkurrojnë për punësim.<br /> <br />"Ajo që vërejtëm ishte se shumë të rinj aplikojnë, dhe nuk dinë të aplikojnë. Shumica e tyre madje plotësojnë edhe kriteret, dhe disa prej tyre as që vijnë në intervistë", tha Darko Velkov- nga kompania vrabotuvanje.com.<br /><br />Sipas të dhënave nga Agjencia për Punësim, aktualisht në tregun e punës janë më shumë 82 mijë të papunë nga mosha 20-29 vjeç. Për edukimin e dobët të forcës punëtor kishim vërejtje edhe në Raportin e Komisioni Evropian për progresin e vendit. Verica Pavllovska
