TIRANE- Hapi i parë i qeverisë për të çuar në prokurori abuzimet e paraardhësve të tyre duke nisur me ish ministrin e Mbrojtjes Arben imami do të pasohet edhe me kallëzime të tjera.<br /><br />Deputeti i Partisë Socialiste Eduard Shalsi, personi që denoncoi në vitin 2012, të gjitha shkeljet e dikasterit të Mbrojtjes me spotet publicitare, thotë në një intervistë për A1 Report, se ky është vetëm fillimi.<br /><br /> "Transparenca e plotë mbi atë që ka ndodhur në atë ministry, por jo vetëm, është një përgjegjësi e jona dhe ne na takon që tashmë të materializojmë të gjitha denoncimet që i kemi bërë në të kaluarën; edhe historia e karburantit është një histori që deputetët e PS-së kanë ngritur gjatë fushatës.<br /><br />Sigurisht, në prokurori do të shkojnë të gjithë ato akuza që do të kenë material të saktë<br /> <br />për këto do të qëndroni në kontak me qeverinë. Historia do të vazhdojë"<br /><br />Deputeti i PS-së i cilëson si dëshpëruese të gjitha deklaratat e deritanshme të eksponentëve të PD-së përfshirë protagonistin kryesor, ish ministrin Arben Imami.<br /> <br />"Arrogant në qeverisje, fatkeqësisht arrogant edhe në opozitë sepse zoti Imami kishte mundësi në të kaluarën ka mundësi dhe tani të tregojë me fakte e shifra nëse qëndrojnë apo jo denoncimet tona. Fatkeqësisht opozita e sotme është katandisur në disa zëra që në fakt duhej të ishin llogaridhënës para shqiptarëve. Këto imazhe e fundosin PD-në- thotë Shalsi.<br /><br /> Sekretari i përgjitshëm i ministrisë së Mbrojtjes depozitoi në prokurori kallëzimin penal për ish ministrin imami, për akuzën e shpërdorimit të detyrës dhe pabarazisë në tendera. <br /><br />Në dosje u bashkangjitën vendimet e komisionit për dhënien e 1.2 milionë dollar për spote televizive një kompanie të dyshimtë sipas akuzës, fonde të cilat më pas në masën 70 përqind i kanë kaluar vetëm një grupi mediatik. Vetë imami, e ka quajtur hakmarrje politike kallëzimin e penal duke hedhur poshtë shkeljet për të cilat akuzohet.
