TIRANE - Këngëtari i famshëm Floran Kondi, i njohur për mbarë publikun shqiptar si Doktor Flori është ndarë nga jeta gjatë ditës së sotme. A1 REPORT mësoi se këngëtari i njohur i muzikës shqiptare kishte shfaqur shqetësime shëndetësore dhe u dërgua i pajetë në spitalin Universitar ?Nënë Tereza? në Tiranë.<br /><br />Shkak i vdekjes së këngëtarit dyshohet një takikardi. Sakaq, qendra spitalore Universitare "Nënë Tereza" pritet të kryejë ekspertizën, nëse familja e tij do të japë dakordësinë, pasi dyshohet për përdorim të lëndëve narkotike.<br /><br />Doktor Flori u nda nga jeta në një moshë të re, ndërsa ka lënë pas dy fëmijë, një vajzë dhe një djalë të vogël, i cili kishte vetëm disa javë që kishte lindur. Shtëpia e prindërve të Doktor Florit ka hapur dyert për të pritur ngushëllimet nga miqtë e të afërmit, por edhe nga gjithë ata që e njohën këngëtarin.<br /> <br />Doktor Flori është krijues i grupit muzikor mjaft të njohur dhe të pëlqyer nga të rinjtë ?West Side Family?. Ndërsa pas shkëputjes nga miqtë e tij Landi dhe Miri, doktor Flori ka kënduar si solist por nuk kanë munguar edhe duetet, ku më të suksesshmit janë ata me Aurela Gaçen dhe Ermal Mamaqin.<br /><br />Dr. Flori para disa vitesh i këndoi Tiranës dhe fatkeqësisht ndërroi jetë ditën e çlirimit të Kryeqytetit. "Tirona? u kthye në hit në ato vite, kur erdhi në bashkëpunim me kryeministrin Rama në atë kohë, kryetar i Bashkisë së Tiranës.<br />- See more at: http://www.shqiptarja.com/home/1/ndahet-nga-jeta-k-ng-tari-i-njohur-shqiptar---39-doktor-flori--39--252959.html#sthash.KIYdDdNG.dpuf
