Shkëmbim zjarri mes policisë dhe një grupi personash. Ngjarja ka ndodhur rreth orës 23:00 të ditës së hënë në një nga postblloqet e policisë më Sherishtë. Sipas informacioneve grupet e shërbimit kanë konstatuar dy automjete që lëviznin me shpejtësi tej normave të lejuara. Në momentin që policia u ka bërë shenjë të ndalojnë kanë marrë si kundërpërgjigje të shtëna armësh.<br /><br />Në këtë ngjarje janë përfshirë një automjeti tip "Benz" me targë AA191HS dhe një "Land Rover" me targë VL1553D. Efektivët kanë arritur të ndalin shtetasit Vasil Birçaj-37vjeç, Ilir Birçaj 46-vjeç dhe shtetasin Martin Hitaj-35 vjeç i cili rezultoi se ishte gjetur i plagosur në rrethana të paqarta dhe më pas u dërgua drejt spitalit rajonal të Vlorës.<br /> <br />Ngjarja<br />Pas 100 m distancë, dy makinat kanë ndaluar, në këtë kohë shërbimi është afruar duke i pyetur se çfarë problemi keni, jemi Policia?! Në këtë moment, shoferi i "Land Roverit" ka qëlluar me Pistoletë në drejtim të makinës së Policisë duke u larguar me pas me shpejtësi në drejtim të paditur.<br /><br />Menjëherë pas këtij gjesti, shërbimi ka komunikuar me patrullën tjetër të Policisë që ishte në pikën tjetër të postbllokut, e cila arriti të kryejë ndalimin e të dy mjeteve që po lëviznin njëri pas tjetrit në drejtim të Vlorës.<br /><br />Personat e Land Roverit, kanë braktisur makinën ndërsa 3 persona janë bllokuar në mjetin Benz, ku ka rezultuar që njeri prej tyre ishte i plagosur.<br />Pasi është pyetur, i plagosuri ka deklaruar se është plagosur në fshatin Kotë në rrethana akoma të paqarta nga Policia.<br /><br />Gjatë një kontrolli në automjetet e ndaluara, policia arrin të gjejë 2-Automatikë në Land Rover. Vijon kërkimi për kapjen e personave të tjerë që janë përfshirë në këtë ngjarje.<br />Ndërkohë, Policia është duke kryer të gjitha veprimet e para hetimore, këqyrjen e vendit të ngjarjes dhe sqarimin e rrethanave të ngjarjes nën drejtimin e Prokurorisë!
