NJU JORK - Marrëdhëniet me prezencën e OSBE-së në vendin tonë do të rishikohen, por ndryshe nga sa u përhap bujshëm në media për një largim të mundshëm ose zbehje të kompetencave të pranisë së organizatës në Shqipëri, rivlerësimi pritet të bëhet për një bashkëpunim më të strukturuar.<br /> <br />Në një takim që ministri i Punëve të Jashtme Ditmir Bushati pati në Nju Jork me sekretarin e Përgjithshëm të OSBE-së Lamberto Zannier, u fol për nevojën e rivlerësimit të prioriteteve të pranisë së OSBE-së në vendin tonë, kjo për të rritur efikasitetin e veprimtarisë së organizatës në Shqipëri. Vendi ynë tashmë ka sfida të tjera me të cilat përballet, ndaj dhe puna e organizatës duhet të adresohet në funksion të tyre.<br /> <br />Ky ristrukturim, siç është theksuar në takimin mes Bushatin dhe Zannier do të ndalet në rolin e Pranisë së OSBE-së në Shqipëri në mbështetje të reformave në vend, si pjesë e agjendës integruese të Shqipërisë në Bashkimin Evropian.<br /><br />Gjithashtu Ministri Bushati dhe Zannier diskutuan për zhvillimet më të fundit dhe rolin që mund të luajë organizata në funksion të adresimit të një sërë çështjesh të rëndësishme të sigurisë<br /> <br />Letra<br />Ishte një letër e bërë publike nga Shqiptarja.com më 19 shtator, që Ministria e Jashtme i dërgonte ministrive të tjera, e cila hodhi hijet e dyshimit për një reduktim të mundshëm të prezencës së OSBE-së. Letra për rishikimin e asistencës së OSBE-së në vendin tonë argumentohej me faktin se organizata për siguri dhe bashkëpunim në Europë është e tepërt në një vend tashmë anëtar i NATO-s, i cili pret të anëtarësohet në Bashkimin Europian. Po ashtu sipas qeverisë zhvillimet pozitive të demokracisë shqiptare, rritja e rolit dhe profilit të Shqipërisë në rajon dhe më gjerë, kanë sjellë një ndryshim rrënjësor të marrëdhënieve të vendit tonë me OSBE-në.<br /> <br />Gjithashtu qeveria shqiptare gjykon të domosdoshme rishikimin e asistencës se OSBE në drejtim të ecurisë së reformave në vendin tonë, duke vlerësuar gjithnjë e më shume kapacitetet tona të brendshme për të ecur në rrugën e reformave në vend.
