Kryetari i Bashkisë së Tiranës, Erion Veliaj, zhvilloi sot një takim me përfaqësuesit e bordit të prindërve të shkollave 9-vjeçare dhe të mesme të kryeqytetit, ku solli në vëmendje punën e bashkisë për përmirësimin e objekteve arsimore, por edhe dëgjoi shqetësimet e tyre lidhur me to.<br /> <br />Velia tha se, Bashkia e Tiranës do të ndërmarrë disa masa për të përmirësuar jetën shkollore të nxënësve të kryeqytetit. Ndërsa masat e para, Veliaj tha se është kufizuar trafikun në orët e para duke ndaluar qarkullimin e mjeteve tregtare.<br /> <br />?Për mua që jam në politikë sigurisht që nuk më intereson që disa njerëz maziten. Por parimi është më mirë të mërziten 100 furgonë sesa 1 mijë nxënës?, tha ai.<br /> <br />Veliaj tha se vitin e ardhshëm në buxhetin e Bashkisë do të përcaktohen bursa për nxënësit e shkëlqyer. Ndërsa për këtë vit tha se 100 nxënësit më të mirë të Tiranës do të dalin në banderolat e reklamave në kryeqytet për t?u marrë si shembull.<br /> <br />?Duke filluar nga nesër të gjitha tabelat reklamuese në Tiranë do të kenë fotografitë e 100 nxënësve të më mirë të qytetit?, u shpreh Veliaj.<br /><br />Kryebashkiaku solli në vëmendjen e prindërve gjendjen e vështirë financiare në të cilën ishte bashkia në fillim të këtij mandati.<br /> <br />?Vetëm borxhi që kemi sot është 31 milionë dollarë. Në një vit, bashkia shpenzon 5 milionë dollarë për të investuar në një qytet me një milionë banorë. Në momentin kur janë shpenzuar dhe faturuar 31 milionë dollarë, praktikisht kemi harxhuar gjithë fondin e investimeve të bashkisë në 6 vitet e ardhshme?, tha Veliaj.<br /> <br />Aktualisht në qytetin e Tiranës ka 31 çerdhe, 65 kopshte, 142 shkolla 9-vjeçare dhe 28 të mesme. Sipas kryebashkiakut Veliaj, nëse Bashkia nuk do të kishte kaq shumë borxhe, me këto para do të ishin ndërtuar bërë gjimnaze të reja.<br /><br />Këtë problem, Veliaj tha se do ta zgjidhte duke kërkuar investim nga kompani të mëdha në Tiranë.<br /> <br />?Në një qytet që prodhon 50% të GDP së vendit, në kaq shumë ekonomi që gjenerohet në Tiranë duhet të ketë kompani që duan të kthejnë një pjesë të fitimit tek komuniteti?, tha kreu i bashkisë.<br /> <br />Në fund të takimit, kryetari i Bashkisë së Tiranës dëgjoi disa prej shqetësimeve të bordit të prindërve, ndërsa garantoi se të paktën 1 herë në 3 muaj do të ketë një takim të strukturuar me ta, për t?u njohur me nevojat e shkollave.
