Subscribe në Ora News këtu http://bit.ly/1s5j7UT<br /><br />Ka përfunduar dëshmia në drejtorinë e policisë së Tiranës e bashkëshortes së Kastriot Ismailaj, Vojsava Ismailaj.<br />Për rreth 40 minuta ajo është pyetur si person që ka dijeni mbi ngjarjen, nisur nga pretendimi i kreut të Komisionit të Sigurisë Spartak Braho se ndaj saj po ushtrojnë presion në mënyrë që bashkëshorti i saj të dëshmojë në procesin gjyqësor kundër Ilir Metës.<br />Mësohet se Ismailaj ka dëshmuar në polici se nuk është kërcënuar asnjëherë nga Tom Doshi, por nga disa persona të tjerë.<br />Ndërsa la Drejtorinë e Policisë ajo refuzoi të japë ndonjë koment për gazetarët, sikundër dhe avokati i saj Vladimir Meçi.<br />Vetë ky i fundit deklaroi se nuk kishte dijeni mbi çfarë ishte pyetur Ismailaj, pasi ishte në cilësinë e shoqëruesit.<br />Vojsava Ismailaj u paraqit në polici rreth orës 16:00 dhe doli në 17:13.<br />Pas bashkëshortes së Kastriot Ismailaj, në orën 19:29 në Drejtorinë e Policisë është paraqitur deputeti Tom Doshi i cili është marrë në pyetje deri në orën 20:42.<br /><br />Për më shumë klikoni në http://www.oranews.tv/vendi/prokuroria-do-marre-ne-pyetje-doshin-priftin-dhe-gruan-e-ismailajt/
