Subscribe në Ora News këtu http://bit.ly/1s5j7UT<br /><br />Në 15 tetor pritet të publikohet progres raporti i radhës i BE-së për Shqipërinë, i cili nuk do të përmbajë rekomandimin për çeljen e negociatave për anëtësim në union. Burime të Ora News, thanë se Brukseli do të vërë theksin tek mungesa e finalizimit të reformës në drejtësi.Vlerësimi përgjithësisht do të jetë pozitiv dhe në Shqipëri do ta bëjë publik Drejtori për Zgjerim në BE, Kristian Danielson.<br />Aspirata e Shqipërisë për të nisur negociatat për anëtarësim në BE do të mbahet peng nga mosrealizimi në kohë i kryereformës integruese, reformës në drejtësi.<br />Në 15 tetor, Bashkimi Europian pritet të publikojë progres raportin e radhës për ecurinë e përmbushjes së prioriteteve të lëna detyrë për Shqipërinë, që sipas burimeve të Ora News, do të ketë një vlerësim të përgjithshëm pozitiv për realizmin e detyrave, por pa rekomandimin për hapjen e negociatave për anëtarësim në union.<br />Angazhimi i qeverisë shqiptare, e artikuluar edhe nga kryeministri Edi Rama, ishte për votimin brenda tetorit të reformës, por klasa politike shqiptare, edhe një herë nuk ia doli të kapë ritmin.<br />Pavarësisht punës së bërë nga shumica e opozita, vetëm në dhjetor do të arrihen të votohen ndryshimet kushtetuese për realizmin e reformës.<br />BE pritet të vlerësojë punën e bërë deri më tani, por kërkesa do të vijojë të jetë, nevoja për një proçes gjithëpërfshirës së reformës.<br />Progres raporti do të publikohet në Bruksel, por për herë të parë prezantimi i tij në Shqipërië, do të bëhet në Tiranë nga Drejtori për Zgjerimin në BE, Christien Danielson dhe jo më nga Ambasadori i BE, një format i aplikuar në rastet e tjera.<br />Danielson pritet ta bëjë publik vlerësimin në një dalje publike.<br /><br />Për më shumë klikoni në http://www.oranews.tv/vendi/ne-15-tetor-publikohet-progres-raporti-negociatat-peng-i-reformes-ne-drejtesi/
