Subscribe në Ora News këtu http://bit.ly/1s5j7UT<br /><br />Lotaria amerikane apo magneti drejt fatit. Vetëm dy ditë pas fillimit të aplikimit konstatohet një fluks i lartë i aplikimeve për një jetë më të mirë përtej oqeanit. Në disa qendra ku ndihmohen qytetarët për të aplikuar konfirmohet edhe interesi i lartë, kryesisht i të rinjve për këtë rrugë emigrimi. Ndërkohë Ambasada Amerikane publikon edhe disa prej kritereve që duhet të dini para se të uleni për të plotësuar formularin.<br />Të gjithë ata që besojnë në ?ëndrrën amerikane? kanë mundësi ta prekin atë duke u bërë pjesë e lotarisë.<br />Vetëm dy ditë pasi Ambasada amerikane njoftoi çeljen e fazës se aplikimeve që do të zgjase deri më 3 nëntor të këtij viti,vihet re nje fluks i lartë i të rinjve që provojne fatin e tyre me lotarinë<br />Megjithëse Ambasada amerikane thekson qartë mënyrën elektronike të aplikimit, qytetarët shqiptarë jo fort të ambjentuar me procedurat online u drejtohen disa pikave në kryeqytet që e mudësojnë këtë shërbim.<br />Këto qendra konfirmojnë se aplikimet kanë qenë të shumta, a thua se njerëzit ishin duke e pritur këtë ditë, shprehen drejtues të tyre jashtë kameras.<br />Por cilat janë disa nga kriteret e përcaktuara, që duhet të ketë parasysh gjatë momentit të plotësimit të formularit secili prej të interesuarve?<br />Së pari të drejtë për t?u bërë pjesë e lotarisë të gjithë ata që janë mbi moshën 18 vjeç dhe kanë mbaruar shkollën e mesme me kohë të plotë. Ambasada amerikane lajmëron se diplomat e shkollës së mesme me kohë të pjesshme, pa shkëputje nga puna, shkollat e natës ose ato me korrespondencë nuk kualifikohen për programin e lotarisë.<br />Nga ana tjetër nëse një aplikant nuk plotëson kriterin e arsimimit, duhet të përmbushë kriterin e përvojës në punë për dy vjet në një profesion që kërkon të paktën dy vjet trajnim apo përvojë brenda një periudhe pesëvjeçare menjëherë para aplikimit.<br /><br />Për më shumë klikoni në http://www.oranews.tv/vendi/nis-lotaria-per-endrren-amerikane-mbizoterojne-aplikanet-ne-moshe-te-re/
