GJIROKASTËR - Shqipëria po përgatitet për të pritur refugjatët sirianë, të cilët largohen nga vendi i tyre drejt EVropës Perëndimore. Aerodromi dhe territori i ish-brigadës së këmbësorisë të Forcave të Armatosura në Gjirokastër janë dy vendet ku Ministria e Brendshme ka menduar të vendosë 5 mijë çadra. Kapaciteti pritës i këtyre dy hapësirave është mbi 10 mijë persona. Pritet ngritja e infrastrukturës me 3 mjekë, 4 infermierë dhe 2 kuzhinierë.<br /> <br />?<br />Shqipëria po përgatitet për të pritur valën e refugjatëve Sirianë gjatë muajve të dimrit. Pritet që refugjatët të ndryshojnë rrugëtimin e tyre të ndjekur deri më tani për në vendet e europës. Ata, për shkak të motit pritet të zgjedhin itinerarin nga Shqipëria në Mali të Zi e më pas në Kroaci.<br /> <br />Gjirokastra është vendi i parë ku gjatë dimrit zbarkojnë shumë klandestinë nëpërmjet pikës kufitare të Kakavijës.<br /> <br />Ministria e Punëve të Brendshme ka kërkuar prej autoriteteve vendore të qytetit të gurtë, gjetjen e dy hapësirave të mëdha, për strehimin e refugjatëve sirianë apo dhe të vendeve të tjera në Lindjen e Mesme që largohen nga konfliktet civile.<br /> <br />Institucioni i Prefektit të Gjirokastrës, ka siguruar dy prej këtyre hapësirave që ndodhen në brendësi të vijës së verdhë të Bashkisë së këtij qyteti.<br /> <br />Terreni po përgatitet në fushën e Aerodromit të Gjirokastrës e cila gjendet përbri lumit Drino. Ndërsa një tjetër hapësirë është edhe fushë-pushimi që ndodhet brenda territorit të ish Brigadës së Këmbësorisë së Forcave të Armatosura përbri kilometrit të dytë në aksin nacional Gjirokastër-Tepelenë.<br /> <br />Sipas burimeve të Report Tv, këto dy hapësira do të shërbejnë për strehim fushor të klandestinëve që do të vijnë nga Greqia në Shqipëri, si vend tranzit.<br /> <br />Mësohet se kapaciteti maksimal akomodues për të dy këto vende, i kalon të 10 mijë persona. Ministria e Brendshme, ka siguruar gati 5 mijë çadra ambulante të cilat do të shërbejnë për refugjatët sirianë. Po ashtu ata do të kenë në dispozicion edhe tre mjek, katër infermierë dhe dy kuzhinierë.<br /> <br />Infrastruktura e sipërpërmendur do të fillojë të ngrihet sapo të zyrtarizohen këto hapësira si vende për pritjen e refugjatëve sirianë.
