Subscribe në Ora News këtu http://bit.ly/1s5j7UT<br /><br />Ministria e Financave po harton një udhëzim të ri për sekuestrimin e mallrave të bizneseve që konstatohen me shkelje.<br />Burime bëjnë me dije se ky udhëzim do të hyjë në fuqi njëkohësisht me ligjin e proçedurave tatimore dhe synon miradministrim e kësaj çështjeje.<br />Sipas burimeve në bazë të ndryshimeve ligjore ndër të tjera synohet që të shitet malli i konfiskuar me çmimin e tregut dhe të mos kalojë në ankand pasi kërkon kohë dhe shpenzime.<br />Gjithashtu një tjetër praktikë që mendohet të futet është ajo e konfiskimit të xhiros ditore të aktivitetit, në vend të mallit.<br />Në muajin e parë të nisjes së aksionit kundër informalitetit ka pasur një sërë konfiskimesh te mallrave pa fature.<br />Administrata tatimore mund ta sekuestrojë pasurinë e një subjekti sipas detyrimit vetëm pas vendosjes së masës së sigurisë mbi pasurinë, 30 ditë pas datës së urdhrit.<br />Dhe më pas nëse një biznesi i konfiskohet malli ai ka të drejtë që të paguaj detyrimet që i ka shtetit brenda 15 ditëve dhe në këtë mënyrë i rikthehet gjithçka është sekuestruar.<br />Në të kundërt gjithçka kalon në varësi të rezerave të shtetit të cilat realizojnë ankand dhe të ardhurat më pas përfundojnë në buxhetin e shtetit.<br />Bizneset mund të shfrytëzojnë të drejtën për ankim që iu jep ligji për kundërvajtjet administrative.<br />Sipas të dhënave të Open Data Albania deri në 31 gusht është dyfishuar numri i subjekteve tatimpaguese, të cilat kanë rezultuar nën masa bllokuese të pasurisë për detyrime tatimore të papaguara në afat.<br />Rrethi me më shumë subjekte tatimore për të cilat janë vendosur masa të sigurimit mbi pasurinë për ekzekutim të detyrimeve tatimore është Tirana me 6923 e ndjekur nga Fieri, Durrësi dhe Berati.<br />Aktualisht në vend numri i subjekteve tatimore me barrë siguruese dhe hipotekore për mospagim të detyrimit tatimorë, deri ne fund te gushtit kish kaluar masën e 10% të totalit të ndërmarrjeve qe flet për një situatë jo pozitive për subjektet ekonomike në vend. Kjo shifër mendohet të jetë me e lartë nëse marrim në konsideratë se aksioni masiv kundër informalitetit është shtrirë në shtator.<br /><br />Për më shumë klikoni në http://www.oranews.tv/ekonomi/udhezimi-i-ri-malli-i-konfiskuar-do-shitet-me-cmimin-e-tregut-jo-ne-ankand/
