Të udhëtosh me tren në linjën hekurudhore Tiranë- Shkodër apo Durrës- Shkodër nga nevojë po kthehet në një sport ekstrem.Shkak për këtë është bërë gjendja e mjeruar e kësaj linje hekurudhore, e cila lë për të dëshiruar. <br /><br />Traversat mbi të cilat janë vendosur shinat janë tërësisht të kalbura, ndërsa pjesët metalikë të hekurudhës kanë rënë pre e hajdutëve të skrapit.<br /><br />Këto pamje të cilat nuk kanë nevojë për koment i përkasin linjës hekurudhore Vorë-Shkodër.<br /><br />Rastet kur treni ka dalë nga shinat nuk kanë munguar, por fatmirësisht nuk janë shënuar të lënduar në njerëz.<br /><br />Kjo linjë hekurudhore prej 25 vitesh nuk njeh asnjë investim, ndërsa ankesat e udhëtarëve nuk kanë fund.<br /><br />Makinistët e trenave për të shmangur ndonjë aksident të mundshme detyrohen të ulin shpejtësinë deri në 20 kilometra në orë.
