Deklaratat mbi punesimin në Gjermani, kryeministri Rama dhe kryediplomati gjerman, Hofffman i bënë në ceremoninë e fillimit të trajnimit të 250 infermierëve. Nëpërmjet një projekti të rregullt, ata do te punësohen në landet gjermane, bazuar ne disa kritere te caktuara.<br /><br />Infermiere pranë spitalit të Beratit ka vendosur të emigrojë drejt Gjermanisë për tu punësuar atje me një kontratë të rregullt pune. Prej tre muajsh ajo ka bërë aplikimin e më pas është përzgjedhur si një nga fituesit e projektit e që tashmë do të ndjekë kursin intensive të gjuhës gjermane.<br /><br />?Shpesh herë kam qenë e interesuar për të punuar jashtë dhe futesha shpesh herë në portalet në internet dhe një ditë më doli si njoftim, gjithashtu më thanë dhe koleget e tjera që e kishin lexuar nëpërmjet nëpërmjet gazetave dhe më sollën dhe ato adresën. Aplikova online duke plotësuar CV-në dhe nëpërmjet e-mail vazhduam kontaktet ku u caktua dhe data e intervistës, u paraqita dhe ndërkohë pas 2 javësh erdhi përgjigja. Do ti bëj të dyja njëkohësisht, një sakrificë e imja që do mbajë edhe punën edhe.. serpse unë punoj vetëm paradite kështu që në orën 5 mund të arrij të kap oraret që janë mbasdite.Ishin të gjitha bashkë rroga, kushtet gjithçka. Kërkoj një të ardhme më të mirë për familjen time, për fëmijët e mi?<br /><br />Por si mund të shkohet në Gjermani për tu punësuar?<br />Çdo infermier mund të aplikojë në faqen e fb infermier.al duke plotësuar një formular.<br /> <br />Pas kësaj përcaktohet data e intervistës e më pas përzgjidhen fituesit e projektit. Kriteri përcaktues për fituesit është që të kenë mbyllur ciklin e studimeve bachelor ne degën infermieri.<br /> <br />Pas përzgjedhjes infermierët trajnohen në kurse intensive të gjuhës gjermane për 1 vit e më pas kush fiton provimin e gjuhës lidh kontratat e punës.
