TIRANË - Qeveria shqiptare ka qenë nën trysninë e ndërkombëtarëve dhe të FMN-së për prishjen e marrëveshjes me kompaninë CEZ. Deklarata vjen për herë të parë nga ministri i Energjetikës Damian Gjiknuri i cili ka deklaruar se qeveria kishte trysni për të pranuar një marrëveshje pa konflikte me kompaninë çeke.<br /> <br />?Që marrëveshja me kompaninë shtetërorë çeke, sepse pse përzihet dhe shteti aty sepse nuk janë të ndara gjërat, nuk është thjeshtë një marrëveshje komerciale por është kompania shtetërore çeke që u soll si u soll në Shqipëri nuk po i hyj asaj historie tani, krijoi një problem shumë të madh për sektorin energjetik, krijoi një problem shumë të madh në gjithë raportet me gjithë donatorët dhe financuesit e sektorit energjetik dhe pa u mbyllur kjo çështje në mënyrë miqësore siç e ka thënë, se ne nuk e morëm vetë këtë vendim se dolëm kështu u çuam një ditë dhe gjetëm një gjyq aty dhe të shkojmë apo jo, qe një kërkesë e FMN-së Bankës Botërore, Bashkimit Evropian të gjithë institucioneve zgjidhni sa më shpejt në mënyrë miqësore konfliktin me CEZ në mënyrë që të hapen fondet e investimeve në Shqipëri në sektorin energjetik. Përfshirja e institucioneve ndërkombëtare apo kritikat ndaj tyre, janë pikërisht për të kompleksuar rolin aq të domosdoshëm që ato kishin në arritjen e asaj marrëveshjeje dhe progresin që ka sektori energjetik?, tha ministri.<br /> <br />Përgjigjja e ministrit erdhi pas pyetjes së deputetit demokrat Genc Ruli mbi seancën dëgjimore të pak ditëve më parë në Komisionin e Veprimtarisë Prodhuese të drejtorit ekzekutiv të Sekretariatit të Komitetit të Energjisë në Vjenë Janez Kopac, ku u deklarua se pohimet e tij mbi kushtëzimin e statusit ishin kundërthënëse me atë të Ambasadës çeke.<br /> <br />Ministri tha se falë marrëveshjes janë ?200 milion dollar të kontraktuara dhe pritet edhe një tjetër paketë vetëm në sektorin e shpërndarjes?.<br /> <br />Projektligji për eficencën e energjisë<br />Më herët ministri Gjiknuri prezantoi në komision projektligjin për eficencën e energjisë ku tha se ministria ka në plan zbatimin e projektit fillimisht me institucionet shtetërore, duke ulur konsumin e energjisë elektrike.<br /> <br /> ?Ky plan parashikon të nisë me projekte konkrete, fillimisht me zbatimin e projektit pilot në zonën e qytetit ?Studenti? në periferi të Tiranës, dhe më pas do të vijojë me godinat e institucioneve publike?, - tha Gjiknuri.<br /> <br />?Projektligj, -theksoi kreu i Energjetikës,- është hartuar me asistencën e komunitetit Evropian dhe kontributin e ekspertëve të energjisë të BE-së.<br /> <br />?Ligji për efiçencën është një hap i nevojshëm, i cili padyshim do të ndiqet prej shumë zhvillimeve të tjera në sektorin energjetik ?, tha ministri Gjiknuri.<br />Komisioni miratoi me shumicë votash nen për nene dhe në parim projektligjitn ?Për eficiencën e energjisë.
