Ish-ministri i qeverisë Berisha, Genc Ruli konfirmon debatet me kryetarin e PD-së Lulzim Basha, në mbledhjen me dyer të mbyllura të grupit parlamentar demokrat.<br /> <br />Duke iu përgjigjur interesimit të Report Tv për këtë çështje, Genc Ruli pohon se debati lidhet me deklaratat e kryetarëve të degëve, të cilat i konsideron si të papërgjegjshme, ndaj i ka kërkuar kryetarit Basha shpjegime. Në mungesë të përgjigjes së duhur Ruli ka vendosur të largohet nga mbledhja.<br /><br /><br />Z. Ruli keni patur një debat dje me kryetarin e PD-së, z. Basha përsa i përket kryetarëve të degëve?<br /><br />Debate kemi gjithmonë është normale të kemi.<br /> <br />Lidhet me kryetarët e degëve, keni kërkuar shkarkimin e kryetarëve të degëve?<br /> <br />Jo s?është problemi im të kërkoj shkarkime.<br /><br />Por për çfarë ku qëndron problemi këtu?<br /><br />Problemi kishte të bënte me deklarata të papërgjegjshme provokuese dhe aspak politike që bëjnë disa kryetar degësh.<br /><br />Dhe ju çfarë kërkuat?<br /><br />Kërkova të disiplinohen.<br /><br />Pse u irrituat, pse u larguat?<br /><br />Pikërisht sepse doja të gjeja përgjigjen e duhur dhe përfundimtare e cila do vij, besoj se do vij.<br /><br />Nuk ua dha përgjigjen z. Basha?<br /><br />E dha deri diku por do e japë më të plotë.<br /> <br />Ndërsa deputeti i Gjirokastrës konfirmon pakënaqësinë ndaj qëndrimit të kryetarëve të degëve, e specifikisht kjo me sa duket lidhet me kryetarin e degës së Gjirokastrës Roland Bejko, vetë kryedemokrati Bejko i qëndron mendimeve të shprehura në Facebook për procesin zgjedhor të 21 qershorit.<br /><br />Në reagimin në facebook Bejko ka shkruar se në zgjedhjet lokale ish-minsitra të PD-së kanë kontribuar për fitoren e së majtës në zgjedhje. Humbja e garës elektorale , analiza dhe riorganizmi i strukturave e paralajmëruar nga kryetari Basha, ka ndezur së fundi debatin mes strukturave në bazë me ato në qendër.<br /><br />Kryetarët e degëve të PD-së në Gjirokastër, në Vlorë dhe Lushnjë kanë shprehur qëndrime të hapura kritike ndaj deputtëve të zonave përkatëse. Këto reagime me sa duket lidhen me procesin e riorganizimit të strukturave, veçanërisht në ato degë ku humbja në zgjedhje ka qenë e thellë.
