Fshati Sheq i Fierit nuk i ka shpëtuar tërbimit të lumit Gjanica, ujërat e të cilit edhe në këtë fshat kanë pushtuar dhjetra banesa dhe tokë bujqësore.<br /><br />Këto pamje që sjell Report Tv janë marrë përgjatë aksit Marinzë- Fier dhe nuk kanë nevojë për shumë koment.<br /> <br />Uji i lumit ka depërtuar brenda banesave dhe subjekteve tregtare në këtë zonë.<br /> <br />Në mungesë të ndihmës nga ana e pushtetit vendor, banoret përmes pompave elektrike po nxjerrin ujin nga banesat dhe dyqanet e tyre.<br /> <br />U ishte premtuar nga drejtuesit e rinj të bashkisë së përmbytjet në këtë zonë nuk do të ktheheshin më , por ky premtim mbeti vetëm në kuadër të fushatës elektorale.<br /> <br />Këta pamje janë marrë në banesën e shtetasit Altin Rama, ku duket qartë se uji tashmë është bërë zot shtëpia.<br /> <br />Ka shkatërruar gjithçka duke filluar nga elektroshtëpiaket dhe orenditë tjera, ndërsa kryefamiljari bën apel për ndihmë.<br /> <br />Të njëjtin fat ka pasur edhe banesa e Mina Dumit, e cila rrëfen për ReportTV dëmet që ka pasuar nga përmbytjet.<br /> <br />Ndërkohë drejtuesit e pushtetit vendor kanë zgjedhur të fshihen përballë kësaj situatë.
