Mos funksionimi i Hidrovorit të qytetit të Vlorës dhe atij të Akërnisë ishin ndër shkaktarët kryesore të përmbytjeve masive në qytetin e Vlorës pas shirave të shtunës në mbrëmje.<br /><br />Nga katër pompa që ka hidrovori i Vlorës kanë punuar vetëm dy të tilla për shkak të ndërprerjes së energjisë, ndërsa hidrovori i Akërnisë ka qenë totalisht jashtë funsksionin gjatë natës së të shtunës duke u gdhirë e diela.<br /><br />Kjo ka ndikuar në përkeqësimin e situatës në qytetin bregdetar, i cili përmbytjet i ka një problem të vjetër pavarisisht premtimeve të kryebashkiakëve dhe deputetëve të zonës për evitimin e tyre. <br /><br />Avarite me hidrovorët kanë vijuar gjatë gjithë ditës së sotme, ndërsa vetëm pasdite hidrorvori i Vlorës ka vijuar punën në kapacitet të plotë, ndërsa ai Akërnisë ka punuar me dy pompa nga katër që ka në dispozicion.<br /><br />Reshjet edhe këtë herë i kapën të papërgatitur drejtuesit e pushtetit vendor në Vlorë, të cilët prej kohësh kishin premtuar se përmbytjet do të evitoheshin këtë vit.<br /><br />Ky premtim mbeti vetëm në letër, pasi mosfunskionimi i hidrovorëve dhe rrjetit të kanalizimve bëri që Vlora të përmbytej si çdo vit.<br /><br />Një tjetër arsye e përmbytjeve të qytetit bregdetar janë edhe ndërtimet pa kriter në këtë zonë, të cilat kanë dëmtuar në masë rrjetin e kanalizimeve. <br />Pamjet e Fokusuara nga kamera jonë në qytetin e Vlorës nuk kanë nevojë për shumë koment.
