VLORË - Kryeministri Edi Rama ka mbledhur paraditen e sotme në një takim me dyer të mbyllura administratën tatimore në Vlorë ku mësohet se është diskutuar për aksionin kombëtar të nisur para pak ditësh kundër informalitetit.<br /><br />Në takimin që nisi rreth orës 10:30 kanë qenë të pranishme edhe drejtoresha e përgjithshme e Tatimeve, Briseida Shehaj dhe drejtoresha e Tatimeve në Vlorë, Pranvera Resulaj.<br /><br />Kreu i qeverisë dhe ajo e Tatimeve kanë specifikuar edhe njëherë prioritetet e këtij aksioni. Ata kanë kërkuar angazhim maksimal të grupeve të punës dhe të mbarë administratës tatimore.<br /><br />Në përfundim të takimit, Rama i shoqëruar nga dy zyrtaret e larta, kanë vizituar një supermarket në qytetin bregdetar.<br /><br />Drejtoresha e Tatimeve në Vlorë, Pranvera Resulaj, tha se aktualisht në terren janë 44 grupe pune në kuadër të aksionit kundër informalitetit.<br /> <br />Ajo pranoi se qyteti i Vlorës ka probleme të mëdha me informalitetin e bizneseve dhe se kjo vizitë e kryeministrit dhe drejtoreshës së përgjithshme të Tatimeve dëshmon mbështetjen e qeverisë për mbrojtjen e biznesit taksapagues dhe konsumatorit.
