Aseer qafila darbar e sham jab aaya, <br />Yazeed (LA) Zainab-e-Kubra (SA) se yun huya goya <br />Lo aj raaz “Wa tu izzu man tasha” ka khula <br />Kay bawaqar hua kon, kon hay ruswa <br /> <br />O! Bad kalam tehar, O! Bad kalam tehar, Bolen Zainab-e-Kubra (SA) <br />Nashay mai mast hay aayat yeh poori sab ko suna, <br />Wo hath khair ka hay kon mujh ko yeh to bata <br />Kay jis se zilat o toqeer bant’ta hay khuda <br />Wo hath tu hay k hum? Wo hath tu hay k hum? <br />Hum Ahlebait(AS) hain us kay, hum he hain izzat o zillat k bantnay walay <br />Yad e kal khair bhi hum, Rab e kaaba ki qasam <br />Unhi hathon mai rasan, sar e darbar e sitam <br /> <br />Zainabi (AS) lehjay mai awaz e Ali (AS) goonj uthi <br />Zulm or jabr k darbar par bijli se giri <br />Laiq e hamd hay jis ne hamain izzat bakhshi <br />Surah e Rom se shehzadi ne aayat yeh parhi <br />Jo buray thay so bura he un ka anjam hua <br />Jis ne Quran ko jhutlaya wo nakaam hua <br /> <br />Yad e kal khair bhi hum, Rab e Kaaba ki Qasam <br />Unhi hathon mai rasan sar e darbar e sitam <br /> <br />Kia kaha tu ne? kay haq se hamain ruswai mili <br />Hum yeh kehtay hain hamain izzat o sachai mili <br />Hum ko Quran mila Rab ki shanasaye mili <br />Mere pyaro ko sina par bhi pazeraye mili <br />Ibn e Marjana teray jubba o dastar talak <br />Karbala aagaye ab sham kay darbar talak <br /> <br />Yad e kal khair bhi hum, Rab e kaaba ki qasam <br />Unhi hathon mai rasan sar e darbar e sitam <br /> <br />Aye mere bhai kay qatil hawas e zar k ghulam <br />Imtehan yeh bhi hay or mai karun tujh se kalam <br />Yun mukhatib hunk ay dil mai mere gham ki husan <br />Mujh ko dena hay Hussain ibn e Ali (AS) ka paygham <br />Kar kay tazheek e Nabi (SAWW), tujh ko maza aata hay <br />Inteqam e badr o ohad pe itrata hay <br /> <br />Yad e kal khair bhi hum, Rab e kaaba ki qasam <br />Unhi hathon mai rasan sar e darbar e sitam <br /> <br />Aye Yazeed! Aye sitmai! Jag bohat shaad hay tu <br />Qaid karke hamain samjha hay kay azad hay tu <br />Yeh teri khaam khayali hay k aabad hay tu <br />Nasl dar nasl sada kay liye barbad hay tu <br />Faisla Rab ka hay, mohlat hay sambhal janay ki <br />Dheel dee jati hay zalim ko sambhal janay ki <br /> <br />Yad e kal khair bhi hum, Rab e kaaba ki qasam <br />Unhi hathon mai rasan sar e darbar e sitam <br /> <br />Aaj kis zom mai ashraf ka khoon peeta hay <br />Kat kay bagh e Risalat ko tu khush hota hay <br />Cheekhta phirta hay tu badr ka yeh badla hay <br />Mujh ko herat nahi hinda he ka tu beta hay <br />Hoga maloom shaqawat, ka nateeja us din <br />Badla yeh kia hay, liya jaye ga badla us din <br /> <br />Yad e kal khair bhi hum, Rab e kaaba ki qasam <br />Unhi hathon mai rasan sar e darbar e sitam <br /> <br />Kardia qatal hamain tu ne ghalat socha hay <br />Gosht apna he chabaya hay badan nocha hay <br />Kia khabar tujh ko k hum logo ka rutba kia hay <br />Aal e Imran mai Allah ka yeh waada hay <br />Shohada surat e Quran, sada zinda hain <br />Wo to wo un kay muhiban sada zinda hain <br /> <br />Yad e kal khair bhi hum, Rab e kaaba ki qasam <br />Unhi hathon mai rasan sar e darbar e sitam <br /> <br />Haye! Mehv e heart hun jinhain Rab ne sar afraz kiya <br />Ilm e Quran diya or yad e kal khair kaha <br />Ah! Un Bagh e Risalat kay guloo ko masla <br />Aasteeno se tumhari hay lahoo un ka baha <br />Pak o pakeeza banaye, thay jo khud rab ne badan <br />Aj sehra mai paray hain wohi be gor o kafan <br /> <br />Yad e kal khair bhi hum, Rab e kaaba ki qasam <br />Unhi hathon mai rasan sar e darbar e sitam <br /> <br />Aazma lay sitami jag sitam kay harbay <br />Dekh baqi koi dil mai teray hasrat na rahay <br />Reh gaya ho jo koi sitam toe wo bhi karlay <br />Jeet kar har gaye teri hukumat hum say <br />Fikr e Shabbir (AS) to phaylay gi, Muhammad (SAWW) ki qasam <br />Yeh teray bus mai nahi malik o mukhtar hain hum <br /> <br />Yad e kal khair bhi hum, Rab e kaaba ki qasam <br />Unhi hathon mai rasan sar e darbar e sitam <br /> <br />Hafiz e Nehj e Balagha ka tha wo rob o jalal <br />Maut ki khamoshi jesa hua darbar ka haal <br />Jag utheen bibiyan jo theen gham se musalsal nidhal <br />Bharay darbar se mazloom khateeba ka sawal <br />Kalma jis ka parha, us ka jigar kat liya <br />Apne Mohsin he kay nawasay he ka sir kat liya <br /> <br />Yad e kal khair bhi hum, Rab e kaaba ki qasam <br />Unhi hathon mai rasan sar e darbar e sitam <br /> <br />Tum thay nau lakh darinday wo bahatar (72) insaan <br />Un bahatar mai bhi tha ik Asghar (AS) sa tishna dahan <br />Aisa masoom qasam khata hay jin ki Qur’an <br />Haye un pyaso kay hulqoom pe khanjar tha rawan <br />Tum yeh kehtay ho paye jung Hussain (AS) aaya tha <br />Betio behno ko phir sath mai kyun laya tha? <br /> <br />Yad e kal khair bhi hum, Rab e kaaba ki qasam <br />Unhi hathon mai rasan sar e darbar e sitam <br /> <br />Aye Yazeed(LA)! Aj kyun na tujh pe falak toot paray <br />Tu ne who zulm diye jis ne Muhammad (SAWW) roye <br />Haye namoos e Nabi (SAWW) kocha o bazaar phiray <br />Dar o deewar sajay kothon se pathar barsay <br />Shamio hum pe naya, ab yeh ghazab kartay ho <br />Choti Zehra (SA) ko kaneezi mai talab kartay ho? <br /> <br />Yad e kal khair bhi hum, Rab e kaaba ki qasam <br />Unhi hathon mai rasan sar e darbar e sitam <br /> <br />Khatam taqreer hui, mehshar e khamosh utha <br />Ya Ali (AS)! Ap ki beti ka ajab khutba tha <br />Murda darbar pe chahi thi khateeba ki sada <br />Bich gaye Sarwar o Rehan wahan farsh e Aza <br />Bhai kay sir pe nazar, Zainab e Kubra (SA) ki pari <br />Jhuk gaye Bali Sakina (SA) pe Ali (AS) ki
